ලොතරැයි මණ්ඩල බඳවා ගැනීම් විමර්ශනය-රවී අල්ලස් කොමිසමෙන් අත්අඩංගුවට
අනුමත ක්රියාපටිපාටියෙන් බැහැරව නිලධාරීන් පස්දෙනෙකු බඳවා ගෙන බාහිර කටයුතු සඳහා යෙදවූ බවට චෝදනා CSR ව්යාපෘති සඳහා නිලධාරීන් යෙදවූ බව රවී කරුණානායකගේ පාර්ශ්වයෙන් පැහැදිලි කිරීමක් හිටපු මුදල් අමාත්ය…
අනුමත ක්රියාපටිපාටියෙන් බැහැරව නිලධාරීන් පස්දෙනෙකු බඳවා ගෙන බාහිර කටයුතු සඳහා යෙදවූ බවට චෝදනා
CSR ව්යාපෘති සඳහා නිලධාරීන් යෙදවූ බව රවී කරුණානායකගේ පාර්ශ්වයෙන් පැහැදිලි කිරීමක්
හිටපු මුදල් අමාත්ය සහ පාර්ලිමේන්තු මන්ත්රී රවී කරුණානානායක මහතා අල්ලස් හෝ දූෂණ චෝදනා විමර්ශන කොමිෂන් සභාව විසින් සඳුදා (31) දහවල් අත්අඩංගුවට ගෙන තිබේ.
පාර්ලිමේන්තු මන්ත්රී රවී කරුණානායක මහතා අල්ලස් හෝ දූෂණ විමර්ශන කොමිසම හමුවේ පෙනී සිට දීර්ඝ ප්රකාශයක් ලබාදීමෙන් අනතුරුව මෙම අත්අඩංගුවට ගැනීම සිදු කර ඇති බව වාර්තා වේ.
මෙම පියවර ගෙන ඇත්තේ ජාතික ලොතරැයි මණ්ඩලයට අනුමත බඳවාගැනීමේ ක්රියාපටිපාටියෙන් බැහැරව නිලධාරීන් පස්දෙනෙකු කොන්ත්රාත් පදනම මත බඳවාගෙන, ඔවුන් බාහිර කටයුතු සඳහා අනියුක්ත කිරීම සම්බන්ධයෙන් සිදුකරන විමර්ශනයකට අදාළවය.
දැන්වීම
කොමිසම හමුවට පැමිණීම
විමර්ශන නිලධාරීන්ගේ කැඳවීමකට අනුව රවී කරුණානායක මහතා අද පෙරවරු 8.15ට පමණ අල්ලස් හෝ දූෂණ චෝදනා විමර්ශන කොමිෂන් සභාව වෙත පැමිණ තිබේ. එහිදී දීර්ඝ වේලාවක් ප්රකාශ සටහන් කරගැනීමෙන් අනතුරුව ඔහු අත්අඩංගුවට ගෙන ඇති බව සඳහන් වේ.
මීට පෙර අවස්ථා කිහිපයකදී කොමිසම හමුවේ පෙනී සිටින ලෙස දැනුම් දී තිබුණ ද, එම අවස්ථාවල ඔහු කොමිසම වෙත පැමිණ නොසිටි බව වාර්තා වේ. පසුගිය 29 වැනිදා විමර්ශන නිලධාරීන් බත්තරමුල්ල, රජමල්වත්ත පාරේ පිහිටි රවී කරුණානායක මහතාගේ නිවසට ගොස් ඔහු සම්බන්ධයෙන් සොයා බැලීමක් ද සිදුකර තිබිණි.
මෙම විමර්ශනයට අදාළව ජාතික ලොතරැයි මණ්ඩලයේ හිටපු සභාපතිනී ශර්මිලා පෙරේරා මහත්මිය ද මීට පෙර අත්අඩංගුවට ගෙන තිබූ අතර පසුව අධිකරණය මගින් ඇය ඇප මත මුදාහැර තිබේ.
චෝදනාවට රවී කරුණානායකගේ පාර්ශ්වයෙන් පිළිතුරක්
කෙසේ වෙතත්, අදාළ චෝදනා සම්බන්ධයෙන් රවී කරුණානායක මහතාගේ පාර්ශ්වය ඉදිරිපත් කරන්නේ වෙනස් කරුණු දැක්වීමකි. ඔවුන් පවසන්නේ අදාළ නිලධාරීන් පස්දෙනා විශේෂ ව්යාපෘති සම්බන්ධීකරණ නිලධාරීන් ලෙස නීත්යනුකූල රාමුවක් තුළ බඳවාගෙන තිබූ බවයි.
ජාතික ලොතරැයි මණ්ඩලය, මුදල් අමාත්යාංශය සහ ජනාධිපති ලේකම් කාර්යාලය ඒකාබද්ධව ක්රියාත්මක කළ ආයතනික සමාජ වගකීම් (CSR) ව්යාපෘති සඳහා එම නිලධාරීන් අනියුක්ත කර තිබූ බව ද එම පාර්ශ්වය පෙන්වා දෙයි.
විශේෂයෙන් ජනාධිපති ලේකම් කාර්යාලයේ වකුගඩු අරමුදල ශක්තිමත් කිරීම සඳහා ක්රියාත්මක වූ 'නීරෝගා' ලොතරැයි ව්යාපෘතිය සහ උතුරු මැද හා නැගෙනහිර පළාත්වල ජනතාවට පිරිසිදු පානීය ජලය ලබාදීමේ ප්රජා සත්කාරක වැඩසටහන් සම්බන්ධීකරණය එම නිලධාරීන්ගේ ප්රධාන වගකීම් අතර වූ බව ඔවුහු සඳහන් කරති.
පැමිණීමේ වාර්තා සහ දේශපාලන අරමුණු පිළිබඳ චෝදනා
අදාළ නිලධාරීන්ගේ සේවා පැමිණීම නිසි පරිදි සටහන් කර ජාතික ලොතරැයි මණ්ඩලය වෙත නිරන්තරයෙන් ඉදිරිපත් කර තිබූ බව ද රවී කරුණානායක මහතාගේ පාර්ශ්වය පවසයි.
එමෙන්ම මහජන සුබසාධනය අරමුණු කරගත්, ඇගයීමට සහ සම්මානයට පාත්ර වූ වැඩසටහන් මෙලෙස විමර්ශනයට ලක් කිරීම පිටුපස දේශපාලන අරමුණක් පවතින බවට ද එම පාර්ශ්වය චෝදනා කරයි.
කෙසේ වෙතත්, අදාළ බඳවාගැනීම් සහ නිලධාරීන් අනියුක්ත කිරීම සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව සිදුකරන විමර්ශනයේ අවසන් නීතිමය තීරණය මෙතෙක් ප්රකාශයට පත්ව නොමැත. අත්අඩංගුවට ගත් රවී කරුණානායක මහතා ඉදිරි නීතිමය කටයුතු සඳහා අදාළ මහේස්ත්රාත් අධිකරණය වෙත ඉදිරිපත් කිරීමට නියමිත බව වාර්තා වේ.