හොරණ රබර් කර්මාන්ත ශාලාවක ඇමෝනියා ටැංකියකට වැටි 05ක් මරුට

(නිලන්ති චන්ද්‍රසේන)

හොරණ බැල්ලපිටිය පිහිටි රබර් කර්මාන්ත ශාලාවක අද (19) දහවල් සිදුවූ අනතුරකින් සේවකයින් 5 දෙනෙකු මේ වන විට ජිවිතක්ෂයට පත් වී ඇත.

ඇමෝනියා අඩංගු ටැංකියකට මෙම පුද්ගලයින් වැටි ඇති අතර ඒ තුළ ගිනි ගැනීමක්ද සිදු වී ඇති බව වාර්තා වේ.

පොලිස් මාධ්‍ය ප්‍රකාශක, රුවන් ගුණසේකර මහතා සඳහන් කරන්නේ , ඔහු බේරා ගැනීමට ගිය 15 දෙනෙකු සිහිසුන්වීමෙන් පසුව හොරණ රෝහලට ඇතුළත් කර ඇති  අතර ඒ අතරින් තිදෙනෙකුගේ තත්වය බරපතළ බවයි.

මේ වන විට  රබර් කර්මාන්ත ශාලාවේ කළමනාකරු ද අත් අඩංගුවට ගෙන ඇති බවද පොලිස් ආරංචි මාර්ග සඳහන් කරයි.