සුනිල් වටගල සිනමන් ලයිෆ් එකෙන්ම අපාර්ට්මන්ට් එකක් අරන්..?

මෙවැනි අපාර්ට්මන්ට් එකක් ෆර්නිචර් කිරීමත් අවම වශයෙන් මිලියන 5 - 10 අතර වියදම් වෙන වැඩක්. දැන් වටගල මහත්තයා ජීවත් වෙන්නේ, සාද පවත්වන්නේ, ඩීල් සහ ගණුදෙනු කතා කරන්නේ මේ අපාර්ට්මන්ට් එකේ. කාර් පාර්ක් එකේ වටගල නියෝජ්‍ය ඇමතිතුමාගේ ඩිෆෙන්ඩර් දෙකත් හැමතිස්සෙම වගේ නවත්තලා තියෙනවා. අවශ්‍ය නම් කෙනෙකුට ගිහින් බලාගන්න පුලුවන්. 

මෙතන ගැටලුව වටගල, සිනමන් ලයිෆ් ලක්ෂරි අපාර්ට්මන්ට් එකක් මිලට ගැනීම හෝ එහි ජීවත් වීම නෙවෙයි.  මෙතන ගැටලුව ඔහුට එක්වරම එවැනි නිවාසයක් මිලට ගැනීමට මුදල් ලැබුණේ කොහෙන්ද කියන කාරණාව. ඔහුගේ වත්කම් බැරකම් ප්‍රකාශයේත් මේ නිවස ඇතුලත් කර නැහැ. ඔහු පක්ෂය වෙනුවෙන් දේශපාලනය කළා මිසෙක නීතිඥයෙකු ලෙස කටයුතු කළේත් නැහැ.

එසේ නම් මේ කෝටි 35 - 45 අතර මුදල ඔහු උපයා ගත්තේ කොහෙන්ද කියන ප්‍රශ්නය එනවා. කෝටි 35 ක් කියන්නේ හිටපු ජනාධිපතිවරු පස්දෙනාම, අවුරුදු තුන හමාරක් නඩත්තු කිරීමට රජය වියදම් කළ මුදලට සමාන මුදලක්.

ආණ්ඩුව අරන් අවුරුද්දෙන් වටගල මහත්තයට නිධානයක් ලැබුණා වෙන්නට බැහැ. එම නිසා මේ නිවාසය මිලට ගැනීමට ඔහුට මුදල් ලැබුණු ආකාරය හෙළිවිය යුතුයි.  එමෙන්ම ඔවුන් නිර්ප්‍රභූ ලෙස හඳුන්වා ගන්න, සාමාන්‍ය ජනතාවට නොමැති සැපපහසු ජීවිතයක් ගත නොකරනවා ය කියන මිත්‍යාවත් හෙළිදරව් විය යුතුයි.

'සාමාන්‍ය ජනතාව' ජීවිතයම හම්බ කළත්, හම්බ කරන්න බැරි මුදලක් සුනිල් වටගල ගෙයක් වෙනුවෙන් වියදම් කරනවා. සාමාන්‍ය තරුණයො ජීවිත පටන් ගන්න සිහින මවන මුදල වගේ මුදලකින් වටගල ඒ ගෙදර ෆර්නිචර් කරනවා.

අඩුම තරමේ එය ඔහු ජනතාවගෙන් සඟවාගෙන ජීවත් වෙනවා.  

මම හිතන්නේ බලය අරන් අවුරුද්දක් ඇතුලත තමන්ගේ සාමාන්‍ය ජීවිතය මේ තරම් වෙනස් වෙච්ච දේශපාලඥයො පහුගිය ආණ්ඩු වලවත් හිටියේ නැහැ.