සුදු බැටළුවන් අතර සිටින කළු බැටළුවන් ගැන රවී හෙළි කරයි

රවී කරුණානායක මහතා මේබව පැවසුවේ කොළඹ , තොටළඟ,එක්සත් ජාතික පක්ෂ, කාර්යාලයේ පැවති විශේෂ මාධ්‍ය හමුවකදී ය.එහිදී වැඩි දුරටත් අදහස් දක්වූ රවී කරුණානායක මහතා මෙසේ ද කීය.

“උතුරු කොළඹ වැනි ආසනයක පවතින ජාතීන් සහ ආගම් අතර සංහිඳියාව රටටම ආදර්ශයක් සපයා දී තිබෙනවා. සමාජ මාධ්‍ය  ජාල  වගකීම් සහිතව කටයුතු කරන්නේ නම් කිසිවෙකු භීතියට පත් වී මේ අවශ්‍යතාවයක් නැහැ. මහනුවර ඇති වු ගැටුම්කාරී  සිද්ධිවලට පොලීසිය මුළුමනින්ම වගකිව යුතුයි. ඒ වාගේම ජාතීන් සහ ආගම් අතර විරසකවීම් උත්සන්න කිරීම සම්බන්ධයෙන්  සමාජ මාධ්‍ය ජාල  වගකිව යුතුයි. සමාජ මාධ්‍ය පාලනය කිරීමත් සමඟ ගැටුම් කාරී තත්ත්වය පාලනය වූ ආකාරය රටම තේරුම් ගත් කාරණයක් වුණා.ඒමෙන්ම මෙම ගැටුම්වලට අනුබල දුන් පිරිස් අතර රජයේ ඇතැමුන් සිටින බවට තොරතුරු ලැබී තිබෙනවා. කොළඹ නගරයේ මෙවැනි ගැටුම් නිර්මාණය කිරීමට ඇතැම් දේශපාලනඥයින් උත්සාහ දැරූ බවත් එවැනි අවස්ථා පාලනය කිරීමට එක්සත් ජාතික පක්ෂය ක්‍රියා කළ බවත් කිව යුතුයි. මහනුවර තෙල්දෙණිය දිගන  ප්‍රදේශයේ අති වූ  ගැටුම් පිටු පස රජයට සම්බන්ධ ප්‍රබල චරිත සිටින බවට තොරතුරු ලැබී තිබෙනවා.මේ අනුව පැහැදිලි වන්නේ  සුදු බැටළුවන් අතර කළු බැටළුවන් ද සිටින බවයි”