රනිල්ට ඉස්සර වෙන්නැයි බැසිල් කියයි
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු ශ්රී පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙන් ප්රකාශයට පත් කරන බව ශ්රී ලංකා පොදුජන…
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු ශ්රී පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙන් ප්රකාශයට පත් කරන බව ශ්රී ලංකා පොදුජන පෙරමුණේ නිර්මාතෘ සහ හිටපු මුදල් අමාත්ය බැසිල් රාජපක්ෂ මහතා ජනාධිපති රනිල් වික්රමසිංහ මහතා හමුවේ ප්රකාශ කර ඇත.
ජනාධිපති රනිල් වික්රමසිංහ මහතා සහ බැසිල් රාජපක්ෂ මහතා අතර කොළඹ ජනාධිපති නිල නිවසේදී පැවති හමුවේදී බැසිල් රාජපක්ෂ මහතා මේ කාරණය ප්රකාශයට පත් කර ඇත.
අනිවාර්යයෙන්ම තමා ජනාධිපතිවරණයට තරඟ කරන බව එහිදී ජනාධිපති රනිල් වික්රමසිංහ මහතා බැසිල් රාජපක්ෂ මහතා හමුවේ ප්රකාශ කර තිබේ.
දැන්වීම
අධිකරණ අමාත්ය විජයදාස රාජපක්ෂ මහතා ශ්රී ලංකා පොදු ජන පෙරමුණේ සාමාජිකත්වය දරමින් ශ්රී ලංකා නිදහස් පක්ෂයේ වැඩ බලන සභාපති ධුරය භාර ගැනීම පිළිබඳව ද මෙම හමුවේදී සාකච්ඡා වී ඇති අතර ඒ සම්බන්ධයෙන් පක්ෂයක් ලෙස ක්රියාමාර්ග ගැනීම මේ වන විටත් අරඹා ඇතැයි බැසිල් රාජපක්ෂ මහතා ජනාධිපතිවරයාට දැනුම් දුන්නේය.
විජේදාස රාජපක්ෂ මහතා අමාත්ය ධුරයෙන් ඉවත් කරන්නේ නම් එසේ කළ යුතු වන්නේ ජනාධිපතිවරයා බවද බැසිල් රාජපක්ෂ මහතා වැඩි දුරටත් කියා තිබේ.
පළාත් පාලන ආයතනවල හිටපු මන්ත්රීවරුන්ටත් සංවර්ධන කටයුතු සඳහා දායකවීමට අවස්ථාව ලබා දෙන ලෙස මෙහිදී බැසිල් රාජපක්ෂ මහතා ජනාධිපතිවරයාගෙන් ඉල්ලා සිට ඇති අතර ඊට යහපත් ප්රතිචාරයක් දැක්වූ රනිල් වික්රමසිංහ මහතා දිස්ත්රික් කමිටු ක්රමයක් හරහා සංවර්ධන කටයුතු කිරීමට හිටපු පළාත් පාලන ආයතන මන්ත්රීවරුන්ට ප්රතිපාදන ලබා දෙන බව සඳහන් කළේය.