රට වෙලා ගෙන තිබෙන අඳුර පළවා හැරීමට සියලු දෙනා එක් විය යුතුයි

ඉතිහාසයේ නොවූ විරු අභියෝගවලට මුහුණදී සිටින මාතෘ භූමිය වෙළා ගෙන ඇති ඝන අඳුර පළවා හැරීම සඳහා සියලු දෙනා එක්ව සාමුහික වැඩ පිළිවෙළකට එළැඹිය යුතු බව ජනාධිපති රනිල් වික්‍රමසිංහ මහතා පැවසීය.

දීපාවලි උත්සවය නිමිත්තෙන් විශේෂ ප්‍රකාශයක් කරමින් ජනාධිපතිවරයා පවසන්නේ අඳුර පළවා හරින්නට හැකි වන්නේ ආලෝකයට පමණක් බවයි.

දීපාවලියේ ඉගැන්වීම වන සාමය, සහෝදරත්වය සහ එකමුතුකම ඉතා වැදගත් වන අතර ජාති, ආගම්, පක්ෂ, පාට බේදයකින් තොරව ආලෝකය පරම අපේක්ෂාව කර ගනිමින් රට ගොඩනැඟීමට නම් පහන් සිළුව වටා සියලු දෙනා සාමුහිකව අත්වැල් බැඳ ගනිමු යැයි සියලු දෙනාගෙන් ඉල්ලා සිටින බවද ජනාධිපතිවරයා සඳහන් කළේය.