පුරවර විශ්වවිද්යාල වැඩසටහන ඇරඹේ
(හේමන්ත තුසිත කුමාර) පුරවර විශ්වවිද්යාල වැඩසටහනයටතේ පළමු සරසවිය කෑගල්ල දිස්ත්රික්කයේ, පින්නවල ප්රදේශය කේන්ද්ර කරගනිමින් ඉදිරි සති කිහිපයේදී ආරම්භ කිරීමට සැලසුම් කර ඇත. පුරවර විශ්වවිද්යාල වැඩසටහන…
(හේමන්ත තුසිත කුමාර)
පුරවර විශ්වවිද්යාල වැඩසටහනයටතේ පළමු සරසවිය කෑගල්ල දිස්ත්රික්කයේ, පින්නවල ප්රදේශය කේන්ද්ර කරගනිමින් ඉදිරි සති කිහිපයේදී ආරම්භ කිරීමට සැලසුම් කර ඇත. පුරවර විශ්වවිද්යාල වැඩසටහන සංකල්පයක් ලෙස හඳුන්වා දෙමින් නිල වෙබ් අඩවිය (www.cu.ac.lk) විවෘත කිරීම “ලෝක තරුණ නිපුණතා දින සැමරුම - 2021” ට සමගාමීව බ්රහස්පතින්දා(15) පෙරවරුවේ ජනාධිපති ගෝඨාභය රාජපක්ෂ මැතිතුමා අතින් ජනාධිපති කාර්යාලයේ දී සිදු කෙරිණ.
පුරවර විශ්වවිද්යාල වැඩසටහනෙන් තමා අපේක්ෂා කරනුයේ, ආර්ථිකයට සෘජුව සම්බන්ධ විය හැකි හෝ ස්වයං රැකියාවක නිරත විය හැකි දැනුමක් සහිත පුද්ගලයෙකු උපාධිය අවසානයේ නිර්මාණය කිරීම බවත් සියයට සියයක් රජයේ විශ්වවිද්යාල පවත්වාගෙන යාමට හැකියාවක් නොමැති බවත් ව්යාපාරික අරමුණින් පමණක් පෞද්ගලික විශ්වවිද්යාල පවත්වාගෙන යාමට තමා ද විරුද්ධ බව ජනාධිපතිතුමා විසින් සඳහන් කරනු ලැබීය.
එමෙන්ම අධ්යාපන ප්රතිසංස්කරණවලට එරෙහිව උද්ඝෝෂණවල නිරතවන්නන් සිදු කළ යුත්තේ වර්තමානයට ගැළපෙන අධ්යාපන ක්රමවේදයක් ඉදිරිපත් කිරීම මිස දේශපාලන අභිමතාර්ථ වෙනුවෙන් පෙනී සිටීම නො වන බව ජනාධිපතිතුමා අවධාරණය කළේය.
කෑගල්ලෙන් ඇරඹෙන පුරවර විශ්ව විද්යාල වැඩසටහන කඩිනමින් දිවයින පුරා ක්රියාත්මක කිරීමට පියවර ගත යුතු බවද ජනාධිපතිතුමා සඳහන් කළේය. ජනාධිපති ලේකම් පී.බී. ජයසුන්දර, අමාත්යාංශ ලේකම්වරු, විශ්වවිද්යාල ප්රතිපාදන කොමිෂන් සභාවේ සභාපති ඇතුළු නිලධාරීහු මේ අවස්ථාවට එක්ව සිටියහ.