ප්රභූන් ස්කෑන් කරන්න ගුවන් තොටට අලුත් යන්ත්ර
කටුනායක ජාත්යන්තර ගුවන් තොටුපොලේ ප්රභූ මගී පර්යන්තයේ අධි තාක්ෂණික ස්කෑන් පරීක්ෂණ යන්ත්ර සවි කිරීමට අවශ්ය පියවර ගන්නා ලෙස ජනාධිපති ලේකම් සමන් ඒකනායක මහතා රේගු අධ්යක්ෂ ජනරාල්වරයාට උපදෙස් ලබා දී…
කටුනායක ජාත්යන්තර ගුවන් තොටුපොලේ ප්රභූ මගී පර්යන්තයේ අධි තාක්ෂණික ස්කෑන් පරීක්ෂණ යන්ත්ර සවි කිරීමට අවශ්ය පියවර ගන්නා ලෙස ජනාධිපති ලේකම් සමන් ඒකනායක මහතා රේගු අධ්යක්ෂ ජනරාල්වරයාට උපදෙස් ලබා දී ඇත.
ජනාධිපති ලේකම් සමන් ඒකනායක මහතා මෙම පියවර ගෙන තිබෙන්නේ, ජනාධිපති රනිල් වික්රමසිංහ මහතාගේ උපදෙස් සහ නියෝගය පරිදිය.
ගුවන් මගීන් රැගෙන එන අත්බෑග් පරීක්ෂා කිරීමට කටුනායක ගුවන් තොටුපළේ සාමාන්ය මගී පර්යන්තයේ අධි තාක්ෂණික ස්කෑන් යන්ත්ර පැවැතිය ද ප්රභූ මගී පර්යන්තයේ එවැනි පහසුකම් නොමැති බව රේගු නිලධාරීහු සඳහන් කරති. එම නිසා විශේෂ මගී පර්යන්තය හරහා එන ප්රභූන්ගේ අත්බෑග් පරීක්ෂා නොකෙරෙන බව එම නිලධාරීහු පවසති.
දැන්වීම
විදේශ රටවල් බොහොමයක විශේෂ මගී පර්යන්තවල සේම අති විශේෂ මගී පර්යන්තවල ද අධි තාක්ෂණික ස්කෑන් පරික්ෂණ යන්ත්ර සවි කර තිබේ. එමගින් ගුවන් මගීන් අත්බෑග්වලින් ගෙන එන නීති විරෝධී භාණ්ඩ සහ බදු ගෙවීමකින් තොරව ගෙනෙන භාණ්ඩ පිටතට රැගෙන යාම වැලකෙන බව රේගු නිලධාරීහු කියති.
ප්රභූ පර්යන්තය හරහා නීති විරෝධී භාණ්ඩ ගෙන ඒම වැලැක්වීම සඳහා ජනාධිපතිවරයා දුන් උපදෙස් පරිදි ජනාධිපති ලේකම්වරයා ශ්රී ලංකා රේගුවට දැනුම් දී ඇත්තේ මෙම උපකරණ විශේෂ මගීන් සහ ප්රභූන් පිට වන පර්යන්තයේද සවි කරන ලෙසයි. ඊට අදාළ වාර්තාවක් ලබා දෙන ලෙස ද ජනාධිපති ලේකම්වරයා රේගු අධ්යක්ෂ ජනරාල්වරයා වෙත දැනුම් දී තිබේ.
රත්රං කිලෝ තුනක් හා ජංගම දුරකතන සමඟ පාර්ලිමේන්තු මන්ත්රීවරයකු රේගුව විසින් අත්අඩංගුවට ගැනීමෙන් පසුව ඒ ගැන සොයා බැලූ ලේකම්වරයා මෙම උපදෙස් දී තිබේ.