ප්‍රජාතන්ත්‍රවාදය සේම ජනතාවට බත සපයන ගොවියා ද රැක ගත යුතු කාලය එළඹිලා

මේ අධිකරණ පද්ධතිය නීතියේ ආධිපත්‍ය යුක්තිය පසිදලීමේ ක්‍රියාවලිය ගැන 2023 එවකට අධිකරණ අමාත්‍යාංශයේ ඉල්ලීමක් අනුව පිටු 506ක සිදු කරන ලද අධ්‍යයනය ගැනවත් රජය නොදන්නා බවත් එහිවත් විනිසුරුවන්ගේ විශ්‍රාම යන වයස වැඩි කළ යුතු බවට එහිවත් සඳහන් නොමැති බවත් දැන්වත් රජය මේ වාර්තාව ජනගත කළ යුතු බවත් ඒ වාර්තාව කියවා මේ අධිකරණ පද්ධතිය තුළ සිදුවිය යුතු වෙනස්කම් නවීකරණ යාවත්කාලීන කිරීම් සම්බන්ධයෙන් ජනතාවට ද අවබෝධයක් ලබා ගත හැකි බවත් විපක්ෂ නායකවරයා පැවසීය.

රජයේ පචවලට එරෙහිව නැගී සිටිය යුතුයි

අප ප්‍රජාතන්ත්‍රවාදය සුරැකීමට පෙනී සිටිය යුතු බවත් අධිකරණයේ ස්වාධිනත්වය ආරක්ෂා කරමින් නීතියේ ආධිපත්‍ය සුරක්ෂා කරනවා සේම ගොවි ජනතාවට දැන් තම අයිතිය වෙනුවෙන් නැගී සිටිමට කාලය එළැඹ ඇති බවත් එදා කියූ බොරුවලට එරෙහිව දැන් නැගී සිටිය යුතු බවත් ඒ අයිතිවාසිකම් වෙනුවෙන් සේම ප්‍රජාතන්ත්‍රවාදය සුරැකීම වෙනුවෙන් පෙරට ආ යුතු බවත් විපක්ෂ නායක සජිත් ප්‍රේමදාස මහතා පැවසීය.

ආණ්ඩුවේ ආදායම වැඩි වූයේ ගහන්න පුළුවන් උපරිම බදු ගහලා

රාජ්‍ය මූල්‍ය සමාලෝචන වාර්තාව අනුව 2026 මුල් මාස 6 2025 මුල් මාස 6 හා සංසන්දනය කරන විට රාජ්‍ය ආදායම 27%කින් වැඩිව ඇති බව පවසන බවත් බිමල් රත්නායක අමාත්‍යවරයාට අනුව භාණ්ඩාගාරයේ ටොන් ගණන් මුදල් ඇති බවත් පසුගිය වසරට සාපේක්ෂව රාජ්‍ය ආදායම වැඩිව ඇත්නම් ඒ වැඩි වූ ආදායම ගොවියාට ලබා දී ගොවියාගේ වගා කටයුතුවල පිරිවැය අඩු නොකරන්නේ ඇයි ද කියා ගැටලුවක් ඇති බවත් මේ රාජ්‍ය ආදායම වැඩි කර ඇත්තේ ගොවි උපකරණවලට වැට් ගසා බවත් විපක්ෂ නායකවරයා පැවසීය.

ගොවියා දෙවියා කියා බලය ගෙන ගොවියාට පාඩු පිට පාඩු කළා 

වත්මන් රජයේ ජනාධිපතිවරයා ප්‍රමුඛ පාර්ලිමේන්තු බහුතරයත් පළාත් පාලන ආයතන 3ම ජවිපෙට ලබා දෙන්න ජනතාව කටයුතු කළත් එදා ඔවුන් කෘෂිකර්මාන්තය ගැන විවිධ කතා කියූ බවත් 76 වසරක් තුළ කෘෂිකර්මාන්තයට ඉටු විය යුතු සේවාව ඉටුව නැති නිසා ක්‍රමයේ වෙනසක් සිදු විය යුතු බවත් මේ ක්‍රමය වෙනස් කර ගොවි ජනතාව රජවරුන් බවට පත් කර ගොවියා දෙවියා යැයි සැලකිය යුතු යැයි පවසමින් වත්මන් රජයේ ඇමතිවරුන් එදා ගොවි බිමේ ප්‍රතිඥා පවා දුන් බවත් ගොයම් කකා ගොවියා දෙවියා ගොවියා රජතුමා යැයි පවසන ගමන් වී කිලෝවට රු. 150ක් දෙනවා යැයි කියූ බවත් මේ රු. 150 රටේ නීතිය බවට පත් කරන බව පැවසුවත් අද ඒ රු. 150 නොමැති බවත් විපක්ෂ නායකවරයා පැවසීය.

එදා ගොවියා දෙවියා-අද ගොවියා කසිප්පුකාරයා

ජනාධිපතිකම් අගමැතිකම් පාර්ලිමේන්තුවේ බහුතරය ලබා ගෙන පළාත් පාලන මැතිවරණ බහුතරයක් ජයගත් පසු ගොවියා දැන් කසිප්පුකාරයා වී ඇති බවත් ගොවියා කෘත්‍රීම ගොවියා බවට පත්ව ගොවියාට අපහාස උපහාස අවලාද නගන බවත් විපක්ෂ නායකවරයා පැවසීය.

රජය ඉන්දියාවෙන්වත් පාඩමක් ඉගෙන ගත යුතුයි

මීට දින කිහිපයකට පෙර ඉන්දියාවේ ශ්‍රේෂ්ඨාධිකරණයේ අගවිනිසුරුවරයා ඉන්දියාවේ රැකියා විරහිත තරුණයන්ට කැරපොත්තන් යැයි අපහාස කළ නිසා කැරපොතු ජනතා පක්ෂය ලෙස පක්ෂයක් සකස් කළ බවත් ලංකාවේ මෙන් ඉන්දියාවේද විභාග ප්‍රශ්න පත්‍ර විභාගයට පෙර එළියට පැමිණි නිසා මේ කැරපොතු තරුණ පරපුර කළ උද්ඝෝෂණයක් නිසා ඉන්දියාවේ අධ්‍යාපන ඇමතිවරයාට ඉල්ලා අස්වීමට පවා සිදුූ බවත් අප රටේ ගොවි ජනතාවගේ ඡන්දයෙන් පත්වූ ජවිපේ නායකයන් ගොවියාට දැන් අපහාස කරන බවත් විපක්ෂ නායකවරයා පැවසීය.

රජයට නිෂ්පාදන චක්‍රය ගැනවත් අවබෝධයක් නෑ

වත්මන් රජය එදා ගොවිතැන ගැන කිව්වේ බොරු බවත් ගොවි ජනතාව රවටා ඇන්දවූ බවත් ගොවිතැන් නිෂ්පාදන චක්‍රය ගැන මේ රජයට අවබෝධයක් නොමැති බවත් බොහෝ අය ගිණි පොලියට මුදල් ගෙන කණකර උගස් කර මුදල් ගෙන ගොවිතැන ආරම්භ කළත් බාල බිත්තර වී අධික මිලට ගොවියාට ලබා ගැනීමට සිදුවීම, පොහොර සහනාධාරය ලැබෙන්නේ වගා කටයුතු අවසානයේ බවත් තෙල් පොහොර කෘෂි රසායන ආදිය පවා මිල වෙනස් සේම ගුණාත්මකභාවය අඩු මොහොතක වත්මන් රජය කෘෂි උපකරණවලට වැට් ගැසීම නිසා අධික මිලක් දැරීමට සිදුවන බවත් අලි මිනිස් ගැටුම නිසා ජිවිත දේපල හානි පවා සිදුවන මොහොතක අමාරුවෙන් නිෂ්පාදනය කරන මොහොතක නෙළන අස්වැන්නට සාධාරණ මිලක් නොලැබෙන බවත් විපක්ෂ නායකවරයා පැවසීය.

එදා ටොම්පච දේශපාලනය ක්‍රියාත්මක කර ගොවියාගේ කර මතින් රාජ්‍ය බලය ලබා ගත්තා

ගොවියාට ලැබෙන ස්ථාවර මිල අසාධාරණ බවත් කෘෂිකර්ම ඇමතිවරයාට අනුව වී කිලෝවක් නිෂ්පාදනයට රු. 137ක් ගියත් එදා පාර්ලිමේන්තුවේ කෘෂිකර්ම ඇමතිවරයා මෙවැනි දෙයක් කිව්වත් අද රජය දෙන්නේ රු. 120ක් බවත් හිතාමතාම වී ගොවිතැන පාඩුදායක ක්‍රියාවලියක් බවට පත් කර ගොවියාට රු. 17ක් පාඩු කර ඇති බවත් ජනාධිපතිවරණය දිනා බහුතරය ලබා ගැනීමට එදා ස්ථාවර මිලක් දෙනවා කිව්වත් එදා ඒ හැමදේම කිව්වේ ගොවි ජනතාව රවටා ඡන්දය ලබා ගැනීමට බවත් එදා ටොම්පච දේශපාලනය ක්‍රියාත්මක කර ගොවියාගේ කරපිටින් රාජ්‍ය බලය ලබා ගෙන අද ගොවියා අනාථ කර ඇති බවත් විපක්ෂ නායකවරයා පැවසීය.

කාබනික පොහොර නාඩගමේ අදියර 2 තමයි මේ රජය ක්‍රියාත්මක කරන්නේ

කාලයක් මේ රටේ ගොවි ජනතාව විනාශ වූයේ පොහොර තහනම හා කාබනික පොහොර භාවිත ප්‍රතිපත්තිය නිසා බවත් එදා ඒ ආකාරයට ගොවියා විනාශ කළ අය එලවා බලයට පැමිණි මේ රජය අද ගොවියාට පොරොන්දු වූ ස්ථාවර මිල නොදෙන බවත් රජය ගන්නේ අස්වැන්නෙන් 8%ක් වගේ සුළු ප්‍රමාණයක් බවත් ඉතිරිය මිලදී ගන්නේ කුඩා හා මධ්‍ය පරිමාණ මෝල් හිමියන් වුවත් අද මොවුන් බංකොලොත් කර ඇති බවත් සහන පොලි ණයවත් අද නොමැති බවත් විපක්ෂ නායකවරයා පැවසීය.

අද අතුරු කන්න වගාවට සහයෝගයත් නෑ

වෙනදා අතුරු කන්න කරන විට රාජ්‍ය මැදිහත්වීමෙන් නොමිලේ බීජ දුන්නත් අද ඒ කිසිවක් නොමැති බවත් මෙරට කෘෂිකාර්මික ප්‍රජාව වෙනුවෙන් වෙනමම සමාජ ගිවිසුමක් සමගි ජන බලවේගය සකස් කරන බවත් එය නිර්මාණය කර විරුද්ධ පක්ෂයේ සිටින මේ අවස්ථාවේ ප්‍රතිඥාවක් හරහා මේ සියලු දේ රටේ ප්‍රතිපත්තිය හා නීතිය බවට පත් කර ගොවි ජනතාව ජයග්‍රහණය කරවන බවත් විපක්ෂ නායකවරයා පැවසීය.

ලක්ෂ 12 ට දෙනවා කිව්ව "Vitz" මෝටර් රථය කෝ..? 

වත්මන් රජය කියන්නේම බොරු බවත් එදා රණසිංහ ප්‍රේමදාස මහතාගේ සමයේ ඇගලුම් කම්හල් නිර්මාණය වූවාට වත්මන් රජය යටතේ ටොම්පච ෆැක්ටරි හදන බවත් 33%කින් විදුලි බිල අඩු කිරීම, වරායේ ගොඩබාන මිලටම තෙල් ලබා දෙනවා යැයි පැවසීම, මැදපෙරදිග යුද්ධය නිසා ලෝකයේ වෙනත් රටවල් තෙල් මත ඇති බදු අඩු කරත් අප රටේ ඒ කිසිවක් නොවන බවත් ලක්ෂ 12 විට්ස් කාර් එකවත් දැන් නොමැති බවත් අවසානයේ ජනතාවට සිදුවූයේ නිදහස අහිමිවීම බවත් විපක්ෂ නායකවරයා පැවසීය.