අභියෝගවලට මුහුණ දිය හැකි අයුරින් අධ්යාපනය නවීකරණය විය යුතුයි
ලෝකයක් මුහුණ දෙන අභියෝගවලට විසඳුම් ලබාදීම සඳහා පුරවැසියන් නිර්මාණය කළ හැකි ආකාරයට රටේ අධ්යාපන ක්රමය නවීකරණය කළ යුතු බව විපක්ෂ නායක සජිත් ප්රේමදාස මහතා පාර්ලිමේන්තුවේ දී…
ලෝකයක් මුහුණ දෙන අභියෝගවලට විසඳුම් ලබාදීම සඳහා පුරවැසියන් නිර්මාණය කළ හැකි ආකාරයට රටේ අධ්යාපන ක්රමය නවීකරණය කළ යුතු බව විපක්ෂ නායක සජිත් ප්රේමදාස මහතා පාර්ලිමේන්තුවේ දී අවධාරණය කළේය.
යෝජිත අධ්යාපන ප්රතිසංස්කරණ පිළිබඳ කල් තැබීමේ විවාදයට එක් වෙමින් විපක්ෂ නායක සජිත් ප්රේමදාස මහතා මේ බව අවධාරණය කළ අතර එහිදී ඒ මහතා මෙසේ ද සඳහන් කළේය.
"රටේ අධ්යාපන ප්රතිසංස්කරණ සම්බන්ධයෙන් විශේෂ අවධානයක් යොමු කළ යුතු වෙනවා. මේ සඳහා සංකල්ප පත්රිකාවක් අවශ්ය වෙනවා. අධ්යාපන ප්රතිසංස්කරණ ශක්තිමත්ව සහ කාර්යක්ෂමව සිදු කිරීම ඉතා වැදගත් වනවා. සමගි ජන බලවේගයේ අපි අපේ සංකල්ප පත්රිකාව මේ වන විට සකස් කොට තිබෙනවා. අපි මැතිවරණයේ දී එම පත්රිකාව ඉදිරිපත් කර තිබෙනවා.
දැන්වීම
මේ සඳහා අදහස් හුවමාරු කර ගත යුතු වෙනවා. ප්රගතිශීලි අධ්යාපන ක්රමයකට අපි මුලපිරිය යුතුයි. අධ්යාපන ප්රතිසංස්කරණ යුගයේ අවශ්යතාවක්. එම ප්රතිසංස්කරණ ඉලක්කගතව අවබෝධයකින් ක්රියාත්මක විය යුතුයි. කාල වකවානු සහිතව අපි මේ ප්රතිසංස්කරණ ක්රියාත්මක කළ යුතු වෙනවා. ඕනෑම ක්රියාවලියක් අක්රමවත්ව ආරම්භ වුණොත් අවසානය සාර්ථක වන්නේ නැහැ. අපේ රටේ තිබෙන්නේ පැරැණි ක්රම අනුගමනය කරන, කල් ඉකුත්වූ අධ්යාපන ක්රමයක්.
මේ ඔස්සේ අපේ රටේ සිසුන්ට කරන්නේ බලවත් අසාධාරණයක්. අධ්යාපනය, මානව අයිතියක් ලෙස අපි අපේ ප්රතිපත්තිය ඉදිරිපත් කරනවා. සුබසාධන ආර්ථිකයේ තිබෙන වැදගත්ම අංශ අපි දන්නවා. ඒ අනුව වර්තමාන අධ්යාපන ක්රමයේ පැහැදිලි වෙනසක් සිදු විය යුතුයි."