අපනයන ආර්ථිකයකින් තොරව රට ගොඩගනු බැහැ

මේ හේතුවෙන් රට මේ වන විට විශාල සහ දරා ගත නොහැකි වෙළෙඳ හිඟයකට මුහුණ දී සිටිනවා. 2022 වන විට ශ්‍රී ලංකාවේ අපනයන ආදායම ඇමෙරිකන් ඩොලර් බිලියන 11.5 යි. ආනයන වියදම ඇමෙරිකන් ඩොලර් බිලියන 18.9 යි. ඒ අනුව ආනයන වියදම සහ අපනයන ආදායම අතර පරතරය ඇමෙරිකන් ඩොලර් බිලියන 7.4 යි. ආර්ථික අර්බුදයට පෙර මේ පරතරය ඩොලර් බිලියන 10 ක් පමණ වුණා. එම පරතරය අඩු වුණේ අර්බුදයෙන් පසු ආනයන සීමා කිරීමට ජනාධිපති රනිල් වික්‍රමසිංහ මහතා ක්‍රියා කළ නිසයි.

විවෘත ආර්ථිකය හඳුන්වා දුන්නේ අපනයන අභිමුඛ ආර්ථිකයක් බලාපොරොත්තු වුවත් එම බලාපොරොත්තුව උඩු යටිකුරු වී ආනයන අභිමුඛ ආර්ථිකයක් බවට පරිවර්තනය වී තිබෙනවා. අද රට වැටී සිටින අර්බුදයෙන් ගොඩ ගැනීමට නම් අපනයන අභිමුඛ ආර්ථිකයක් අවශ්‍ය වනවා. ජනාධිපති රනිල් වික්‍රමසිංහ මහතා ක්‍රියා කරමින් සිටින්නේ ඒ වෙනුවෙනුයි.

ජනාධිපතිවරයා රට-ජනතාව වෙනුවෙන් ගත් නිවැරදි තීන්දු-තීරණ නිසා ආර්ථිකය නිවැරදි මඟට වැටී රට ශක්තිමත් වී තිබෙන බව කිව යුතුයි. ඒ අනුව එම වැඩ පිළිවෙළ ජයග්‍රහණය තෙක් ගෙන යනවා ද, නොඑසේ නම් එම මාර්ගයෙන් ඉවත් වී යළි ප්‍රපාතයට වැටෙනවද කියා තීරණය කළ යුත්තේ ජනතාවයි.

එම නිසා එදා වගේ රටයි-බඩයි දෙකම අහිමි නොකර ගෙන ජනාධිපතිවරණයේ දී රට වෙනුවෙන් නිර්පාක්ෂික ජනපති අපේක්ෂක රනිල් වික්‍රමසිංහ මහතාගේ ජයග්‍රහණය තහවුරු කිරීමට පෙරට එන්නැයි දේශපාලන පක්ෂ-ජාති සහ ආගම් භේදයෙන් තොරව සියලු ජනයාගෙන් අප ඉල්ලා සිටිනවා.

ඒ වගේම අපනයන විවිධාංගීකරණය කළ යුතුයි. එසේ අපනයන විවිධාංගීකරණය කළ යුත්තේ කෙසේ ද..? ඇඟලුම්, තේ, පොල්, රබර්, කුළුබඩු අපනයන මත තව දුරටත් රැඳී සිටීම අනතුරුදායකයි. අගය එකතු කළ භාණ්ඩ අපනයන කළ යුතුයි. උදාහරණයකට කුළු බඩු අමුද්‍රව්‍ය ලෙස රට පට වන්නේ නැතිව ඒවායෙන් වටිනාකම එකතු කළ නිෂ්පාදන කළ යුතුයි. ඒවා අපනයනයෙන් ලැබිය හැකි ඩොලර් ආදායම ඉහළයි. අගය එකතු කළ නිෂ්පාදන මතම රැඳී නොසිට ජාත්‍යන්තර වෙළෙඳපොළේ තරගකාරී භාණ්ඩ මොනවාදැයි හඳුනා ගෙන නවෝත්පාදන ලෙස ඒවා කළ යුතුයි."