අධිකරණයට අල්ලස් දී ආඥාදායක පාලනයක් ඇති කර ගැනීමට ජනපති උත්සහ කරනවා

රටේ අධිකරණ පද්ධතියේ ස්වාධීන විනිසුරුවන් කිසිවෙකු සහ ශ්‍රී ලංකා නීතීඥ සංගමය ඇතුළු කිසිම නීතීඥ සංගමයක් ද මෙවැනි ඉල්ලීමක් කර නොතිබිය දී ඒ සඳහා උත්සහ කරන්නේ කිනම් අවශ්‍යතාවයක් සහ පදනමක් මත ද යන්න පිළිබඳව ජනාධිපති අනුර කුමාර දිසානායක මහතා රටට කිව යුතු යැයි ද අජිත් පී පෙරේරා මහතා කියා සිටියේය.

අග විනිසුරුවරයා ද, ශ්‍රේෂ්ඨාධිකරණය සහ අභියාචනා අධිකරණය ඇතුළු රටේ සමස්ථ අධකරණ පද්ධතියේ කිසිම විනිසුරුවරයෙකු සිය ධූර කාලය දීර්ඝ කරන්නැයි ලිඛිතව හෝ වාචිකව හෝ රහසින් හෝ ජනපතිවරයාගෙන් කිසිදු ඉල්ලීමක් කර නැතැයි ද ඔහු තහවුරු කළේය.

ශ්‍රේෂ්ඨාධිකරණ සහ අභියාචනා අධිකරණ විනිසුරු පුරප්පාඩු පිරවීම සම්බන්ධයෙන් ගැටලු තිබෙන බවට අග විනිසුරුවරයා තමාට ලිඛිතව දැනුම් දී ඇති බව ජනපතිවරයා කියනවා නම් වහාම එම ලිපිය ප්‍රසිද්ධ කරන්නැයි ද අජිත් පී පෙරේරා මහතා ජනපතිට අභියෝග කරමින් එහිදී පැවසීය.

ශ්‍රේෂ්ඨාධිකරණ සහ අභියාචනා අධිකරණ විනිසුරු පුරප්පාඩු පිරවීම චේතනාන්විතව හය මසක් මුළුල්ලේ ජනපතිවරයා ප්‍රමාද කර ඇති තත්ත්වය හමුවේ එම අධිකරණවල නඩු ගොඩ ගැසී පුරවැසියන් අන්ත අසරණ වී ඇතැයි ද නීතීඥ අජිත් පී පෙරේරා මහතා එහිදී වැඩි දුරටත් පෙන්වා දුන්නේය.