එජාප භූතයින් අනාථ කළ රවීගේ භූමිකාව..!
එජාප මහා සම්ප්රදාය ඉල්ලන රවී දේශපාලන විචාරක මතය (සුජිත් මංගල ද සිල්වා) ශ්රී ලංකාවේ විපක්ෂ දේශපාලනයේ ඉදිරි දිශානතිය තීරණය කළ හැකි වැදගත් සංවාදයක් මේ වන විට එක්සත් ජාතික පක්ෂය (UNP) සහ සමගි ජන බලවේගය…
එජාප මහා සම්ප්රදාය ඉල්ලන රවී
දේශපාලන විචාරක මතය
(සුජිත් මංගල ද සිල්වා)
ශ්රී ලංකාවේ විපක්ෂ දේශපාලනයේ ඉදිරි දිශානතිය තීරණය කළ හැකි වැදගත් සංවාදයක් මේ වන විට එක්සත් ජාතික පක්ෂය (UNP) සහ සමගි ජන බලවේගය (SJB) අතර ඇති වෙමින් පවතින බවට දේශපාලන ක්ෂේත්රයේ විවිධ මත පළ වෙමින් තිබේ. එම සංවාදය මෙතෙක් නිල දේශපාලන සන්ධානයක් බවට පත්ව නොතිබුණද, එවැනි සමීපතාවයක් පිළිබඳ සංඥා විවිධ දේශපාලන ප්රකාශ සහ ක්රියාකාරකම් ඔස්සේ දැකිය හැකි බව දේශපාලන විශ්ලේෂකයෝ පෙන්වා දෙති.
මෙම සංවාදයේ වැදගත්ම කරුණ වන්නේ, 2020 මහ මැතිවරණයෙන් පසුව කැඩී බිඳී ගිය එක්සත් ජාතික පක්ෂ දේශපාලන සම්ප්රදායේ ඡන්ද පදනම යළි එකතු කළ හැකිද යන්නයි. ශ්රී ලංකාවේ මැතිවරණ ඉතිහාසය පෙන්වා දෙන්නේ, එකම දේශපාලන සම්ප්රදායකින් බිහි වූ පක්ෂ දෙකක් වෙන වෙනම තරග කරන විට ඡන්ද පදනම බෙදී යන අතර, එම බෙදීම තුන්වන පාර්ශ්වයකට වාසිදායක විය හැකි බවයි.
දැන්වීම
මෙවැනි පසුබිමක, එක්සත් ජාතික පක්ෂ පාර්ශවයෙන් මෙම දේශපාලන සමීපතාවය සඳහා විවෘතව පෙනී සිටි නායකයන් අතර රවී කරුණානායක මහතාගේ නම නිතර සඳහන් වේ. එක්සත් ජාතික පක්ෂ අභ්යන්තරයේ සිටිමින් විවිධ දේශපාලන න්යාය පත්ර මත මෙම එකමුතුවට බාධා කරන පුද්ගලයන් ඔහු දැඩි සහ නිර්දය ලෙස විවේචනය කළ අතර, රවී කරුණානායක මහතා ඔවුන් "භූතයන්" ලෙස හැඳින්වීම ද දේශපාලන අවධානයට ලක් විය. එම විවේචනය මගින් පැහැදිළි වන්නේ, එක්සත් ජාතික පක්ෂ දේශපාලන සම්ප්රදාය යළි ඒකාබද්ධ කළ යුතුය යන ඔහුගේ දැඩි දේශපාලන ස්ථාවරය බව දේශපාලන විචාරකයෝ පවසති.
රවී කරුණානායක මහතා ආර්ථිකය පිළිබඳ දැනුම සහ ජාත්යන්තර සබඳතා සඳහා ප්රසිද්ධ දේශපාලනඥයෙකි. ඔහු රටේ හිටපු මුදල් අමාත්යවරයා වන අතර, දකුණු ආසියානු කලාපයේ හොඳම මුදල් ඇමතිවරයා ලෙස සම්මානයට පාත්ර වෙමින් ජාත්යන්තර මූල්ය ක්ෂේත්රයේ පිළිගැනීමට ලක් වූ ජ්යෙෂ්ඨ දේශපාලන නායකයෙකි. එම පසුබිම නිසා, දේශපාලන සංහිඳියාවකට අමතරව ආර්ථික ප්රතිපත්ති සම්බන්ධයෙන්ද එක්සත් ජාතික පක්ෂ මහා සම්ප්රදායේ ස්ථාවරයක් යළි ගොඩනැගිය යුතු බව ඔහුගේ අදහස්වලින් නිරූපණය වී ඇත.
