වසන්ත සහෝදරයා තමයි හොඳම සමාජවාදියා

එතකොට කවදාවත් මුන්ට බලය නොදී අපටම තියාගන්න පුළුවන්.එහෙම නැතිවත් මුන් කියන්නේ අනුරයියා ග්‍රීසියෙයි, අයර්ලන්තයෙයි සල්ලි හංගලා කියලානේ කියන්නේ.අනික සහෝදරයා පුළුවන් නම් ධම්මික පෙරේරා,ඉෂාර නානයක්කාර, හනිෆා යුසුෆ් වගේ සහෝදරවරු කෙලින්ම අපේ දේශපාලන මණ්ඩලයට ගන්න තියෙන්නේ,ඩඩ්ලි සහෝදරයා බැරිනං එයාගේ බෑනා උනත් කමක් නෑ.

මට හිතෙන්නේ අපි එයාලා අපේ පන්තියට ගේනවට වැඩිය අපිත් ට්‍රයි කරන්න ඕනි එයාලගේ පන්තියට යන්න.වසන්ත සහෝදරයට පුළුවන් නං ඇයි අපට බැරි සහෝදරයා.ට්‍රයි කරලා අපි ඔක්කොම ධනපතියෝ උනොත් ඒත් ඉතින් සමජවාදය තමයි.ඇයි එතකොට අපි ඔක්කොම සමානයිනේ.ඔක්කොම ධනපතියෝනේ.

අපි නිර්ධන පන්තිය විදිහටම හිටලා ධනපතියොත් අපේ ගානට ගේනවට වැඩිය නරකද සහෝදරයා අපිත් උන්ගේ ගානට දියුණු වෙන එක.මම නං ඒක ඉගෙන ගත්තේ වසන්ත සහෝදරයගෙන්. මුන් කිව්වට වසන්ත සහෝදරයා පක්ෂ සාමාජිකයෝ හූරගෙන කෑවා කියලා අපිට එහෙම එකක් දැනුනේවත් නෑ.වසන්ත සහෝදරයගේ කැබ් එකට අන්තිමට කෙහෙල් කැනත් පැටවලා තියන රත්නපුරේ සහෝදරයත් හරිම සතුටින් ඉන්නේ.

ඔය හූරගෙන කනවා වගේ වචන අපි දැන් වැඩිය පාවිච්චි කරන්නවත් හොඳ නෑ.ටිල්වින් සහෝදරයත් දැන් ඒවා කියන්නේ නෑනේ.හූරගෙන කෑම කියන එකට වෙන වචනයක් දාන්න ඕනි. හදුන්නෙත්ති සහෝදරයා කියලා ඕනි නං හූරගෙන කනවා කියනවා වෙනුවට පාන් කනවා කියලා උනත් දාගන්න පුළුවන්. මම කියන්නේ අපේ සහෝදරවරුත් අපි හුරු කරන්න ඕනි වසන්ත සහෝදරයා වගේ වෙන්න.

එහෙම උනොත් අපි කාටත් වසන්තය එනවා සහෝදරයා. සමාජවාදය කියන්නෙත් වසන්තය වගේ එකක් තමයි.

අවංක ජෙප්පා.

- රටේ රාළ -