රට පුරා සිදු වන ඝාතන රැල්ල වහා නවතනු

රට පුරා රැල්ලට සිදු වන ඝාතන සංස්කෘතිය හේතුවෙන් ජනතාවගේ සහ මහ ජන නියෝජිතයන්ගේ ජීවිතත සම්බන්ධයෙන් අනාරක්ෂිත තත්ත්වයක් මතුව ඇති බවත් මේ මේ නිසා ජන සමාජයේ සියලු දෙනා දැඩි පීඩනයට සහ අසහනයට පත්ව ඇති බවත් විපක්ෂ නායක සජිත් ප්‍රේමදාස මහතා සඳහන් කළේය. 

මේ අතිශය භයානක තත්ත්වය හමුවේ නිසා නීතිය සහ සාමය භාර අමාත්‍යවරයා මේ සම්බන්ධයෙන් රට-ජනතාව හමුවේ වහාම  ප්‍රකාශයක් සිදු කළ යුතු බවත් විපක්ෂ නායක සජිත් ප්‍රේමදාස මහතා පෙන්වා දුන් අතර ඔහු මේ බව කියා සිටියේ,  පාර්ලිමේන්තුවේ දී මේ සම්බන්ධයෙන් ප්‍රකාශයක් සිදු කරමිනි. 

රටේ දූ දරු පරපුරේ සහ ජන සමාජයේ ආරක්ෂාව තහවුරු වන විධිමත් සැලසුමක් ඉදිරිපත් කරන ලෙසත් විනිසුරුවන්ගේ සහ නීතිඥවරුන්ගේ පවා ආරක්ෂාවට බලපැම් එල්ල වී ඇති නිසා මේ ගැන අවධානය යොමු කරණ ලෙසත් විපක්ෂ නායක සජිත් ප්‍රේමදාස මහතා රජයෙන් වැඩි දුරටත් ඉල්ලා සිටියේය.