ජනපති එක්ක දීගය 2020 දක්වා පමණයි..?

මේ සම්බන්ධයෙන් කරුණු සාකච්ඡා කෙරුණු එක්සත් ජාතික පෙරමුණේ දේශපාලන පක්ෂ නායක රැස්වීම අගමැති රනිල් වික්‍රමසිංහ මහතාගේ ප්‍රධානත්වයෙන් අරලිය ගහ මන්දිරයේදී ඊයේ (29) දහවල් පැවැත්විණ.

ජනාධිපති මෛත්‍රීපාල සිරිසේන මහතා පළාත් පාලන මැතිවරණ වේදිකාවේදී කරන ප්‍රකාශ සහ ඒ හේතුවෙන් උද්ගතවී තිබෙන දේශපාලන තත්ත්වයන් පිළිබඳව ද එහී දීර්ඝ වශයෙන් කරුණු සාකච්ඡා කෙරිණ.

කෙස් නමුත් 2015 ජනවාරි 8 සහ අගෝස්තු 17 වැනිදා ලබා දුන් ජන වරමට ගරු කර ජනතා අපේක්ෂා ඉටු කිරීම සඳහා නව දේශපාලන,ආර්ථික,සමාජ සහ සංස්කෘතික ප්‍රතිසංස්කරණ සිදු කරමින් ජනාධිපතිවරයා යටතේ 2020 වන තුරු කෙසේ හෝ සම්මුතිවාදී යහ පාලන ජාතික රජය තව දුරටත් ඉදිරියට ගෙන යා යුතු බවට ද එහිදී වැඩිදුරටත් තීරණය  කෙරිණ.

ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් යහ පාලන ජාතික රජය 2020 වන තුරු ඉදිරියට ගෙන යාමට ගත් මේ තීරණය අගමැති රනිල් වික්‍රමසිංහ මහතා විසින් අනුරාධපුරයේ ඊයේ (29) පැවතී එක්සත් ජාතික පෙරමුණේ ජන රැළියේදී නිල වශයෙන් ප්‍රකාශයට පත් කරනු ලැබිණ.