ආණ්ඩුව කරන්නේ හොරාගේ අම්මාගෙන් පේන අහන එක

රට බංකොලොත් වුණේ කෙසේද කියා සොයා බැලීම සඳහා ආණ්ඩු පක්ෂයේ මන්ත්‍රීවරුන් පත් කිරීම පිළි ගැනීමට නොහැකි බව  විපක්ෂයේ ප්‍රධාන සංවිධායක අධි නීතීඥ ලක්ෂ්මන් කිරිඇල්ල මහතා පාර්ලිමේන්තුවේ දී පැවසීය.

ඒ ක්‍රියාව හරියට හොරාගෙ අම්මගෙන් පේන අහනවා වගේ වැඩක් බවද, ඒ නිසා බංකොලොත් වීම ගැන හොයන තේරීම් කාරක සභාවේ සභාපති ධුරය සඳහා විපක්ෂයේ මන්ත්‍වරයෙකු පත් කරන්නැයි ද ලක්ෂ්මන් කිරිඇල්ල මහතා තරයේ කියා සිටියේය. 

මුදල් කාරක සභාවේ සභාපතිකම විපක්ෂයට දෙන්නැ කියා පාර්ලිමේන්තු ස්ථාවර නියෝගවල තිබෙන්නෙත් ඒ නිසා බවද විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා පෙන්වා දුන්නේය.