විපක්ෂ නායක ජපන් තානාපති හමුවී ලංකාව වෙනුවෙන් ආධාර ඉල්ලයි

දිත්වා සුළි කුණාටුවත් සමඟ ඇති වූ පවතින ආපදා තත්ත්වය නිසා බිඳ වැටුණු රට නැවත නගා සිටුවීමට උපකාර කරන ලෙස අද (01) පාර්ලිමේන්තුවේ දී විපක්ෂ නායක සජිත් ප්‍රේමදාස මහතා ජපාන තානාපති Akio Isamota මහතා හමු වූ අවස්ථාවේදී ඔහුගෙන් ඉල්ලා තිබේ.  

එහි දී මාර්ග පද්ධතිය, දුම්රිය පද්ධතිය මෙන්ම අත්‍යාවශ්‍ය සේවා නැවත සක්‍රීය කර ගැනීම සඳහා දායකත්වය ලබා දෙන ලෙස ඉල්ලා ඉල්ලා ඇති අතර පසුගිය කාලයේ දී ශ්‍රී ලංකාව විවිධ අසීරු තත්ත්වයන්ගෙන් පසුවන විට එම අසීරු තත්ත්වයන් මගහරවා ගැනීමට සහාය වූ සමීප මිතුරකු වූ ජපානය මේ අවස්ථාවේ දී ද මානුෂීය ආධාර සහ සහන සේවා කණ්ඩායම් යොමු කිරීම සම්බන්ධයෙන් ස්තූතිවන්ත වන බවත් මෙහි දී ජපාන තානාපතිවරයා හමුවේ විපක්ෂ නායක සජිත් ප්‍රේමදාස මහතා පවසා ඇත.