Saturday 24th of February 2024

English Tamil
Advertiesment


ரவி வெளியிடாத மைத்திரியின் டொலர் மோசடி தகவல் அம்பலம் 


2022-01-13 7902

 

Elcardo நிறுவனத்திற்கு முதலில் வந்த  டொலர்

 

நிறுவனத்தின் உரிமையாளர் தஹாம் சிறிசேனவின் மாமனார் 

 

நல்லாட்சி- ரணில்-ரவியை ஓட ஓட மைத்திரி விரட்டிய காரணம் இதுதான்..!

 

 

2015 ஆம் ஆண்டு ஜனாதிபதித் தேர்தலில் பொது வேட்பாளராக மைத்திரிபால சிறிசேன போட்டியிட்ட போது, ​​ஜனாதிபதித் தேர்தல் பிரச்சாரத்திற்காக சக்தி வாய்ந்த வெளிநாட்டில் இருந்து கிட்டத்தட்ட 40 மில்லியன் டொலர்களை இரகசியமாகப் பெற்றிருந்தார். அந்தப் பணம் மைத்திரியின் மகன் தஹாம் சிறிசேனவின் மாமனாரின் "Elcardo Industries (Pvt) Ltd" என்ற நிறுவனத்திற்கு முதலில் வந்துள்ளது.

எவ்வாறாயினும் கிடைக்கப்பெற்ற முறைப்பாட்டின் பிரகாரம் மஹிந்த ராஜபக்ஷ அரசாங்கம் ஜனாதிபதித் தேர்தல் பிரசாரத்தின் போது மில்லியன் கணக்கான டொலர்களை சி.ஐ.டியிடம் இருந்து கைப்பற்றியதாகவும், சம்பவம் தொடர்பில் குற்றப் புலனாய்வுப் பிரிவினர் கோட்டை நீதிமன்றில் முறைப்பாடு செய்ததையடுத்து, குறித்த வெளிநாட்டு நாணயங்களை மத்திய வங்கியிடம் ஒப்படைக்கும் படி  நீதிமன்ற உத்தரவு விட்டிருந்தது.

ஜனாதிபதித் தேர்தல் பிரசாரத்திற்கு முன்னதாக ஐக்கிய தேசியக் கட்சி தனது பொது வேட்பாளருக்கு எதிராக சுமத்தப்பட்ட குற்றச்சாட்டினால் கடும் மன உளைச்சலுக்கு ஆளாகியுள்ளதோடு, வெளிநாட்டு நாணயங்களை மத்திய வங்கியிடம் ஒப்படைத்ததன் பின்னர், மத்திய வங்கி மற்றும் அதன் ஆளுநர் மீது பொறுப்பு கொடுக்கப்பட்டது.

எவ்வாறாயினும், மைத்திரிபால சிறிசேன 2015 ஆம் ஆண்டு ஜனவரி 08 ஆம் திகதி இலங்கையின் ஜனாதிபதியாக பதவியேற்றதுடன், ஜனாதிபதியாக அவர் மேற்கொண்ட முதல் தலையீடு இலங்கை மத்திய வங்கியின் ஆளுநராக கலாநிதி இந்திரஜித் குமாரசுவாமியை நியமிக்க முயற்சித்ததாகும். எனினும், பிரதமர் ரணில் விக்கிரமசிங்க அதற்கு இடமளிக்கவில்லை, பிரதமரின் பலமான கோரிக்கை மற்றும் தலையீட்டின் பேரில் அர்ஜுன மகேந்திரன் நியமிக்கப்பட்டார்.

இந்த நியமனத்திற்கு ஆட்சேபனை தெரிவிக்காத ஜனாதிபதி மைத்திரிபால சிறிசேன, மத்திய வங்கியின் ஆளுநர் அர்ஜுன மகேந்திரனை கொழும்பு பேஜெட் வீதியிலுள்ள ஜனாதிபதியின் உத்தியோகபூர்வ இல்லத்திற்கு வரவழைத்து, வெளிநாட்டில் இருந்து பெற்ற அமெரிக்க டொலர்கள் எதனையும் தம்மிடம் வைத்திருக்க வேண்டாம் என பணிப்புரை விடுத்துள்ளார். உடனடியாக பணத்தை எல்கார்டோ இண்டஸ்ட்ரீஸ் (பிரைவேட்) லிமிடெட் உரிமையாளரிடம் திருப்பி அனுப்பவும் என்றும் பணித்துள்ளார்.

ஜனாதிபதி மைத்திரிபால சிறிசேன விடுத்த கோரிக்கைக்கு மத்திய வங்கியின் ஆளுநர் அர்ஜுன மகேந்திரன் இணங்கவில்லை என்பதுடன், வெளிநாட்டு நாணயங்களின் கையிருப்பு தொடர்பில் எடுக்கப்பட வேண்டிய நடவடிக்கைகள் குறித்து பிரதமர் ரணில் விக்கிரமசிங்கவிடம் கேட்டறிந்துள்ளார். வெளிநாட்டு நாணயங்களின் கையிருப்பு நீதித்துறையின் வசம் உள்ளதால் அனைத்து நடவடிக்கைகளையும் சட்டப்பூர்வமாக மேற்கொள்ளுமாறு பிரதமர் ரணில் விக்கிரமசிங்க மத்திய வங்கி ஆளுநருக்கு பணிப்புரை விடுத்துள்ளார்.

இந்த சம்பவத்துடன் ஜனாதிபதி மைத்திரிபால சிறிசேனவும் பிரதமர் ரணில் விக்கிரமசிங்கவும் பிரிந்து சென்ற நிலையில், இந்த நிதிப் பிரச்சினையில்தான் ரணில் விக்ரமசிங்கவை பிரதமர் பதவியில் இருந்து நீக்கி, மஹிந்த ராஜபக்ஷவை 52 நாட்களுக்கு பிரதமராக்க ஜனாதிபதி மைத்திரிபால சிறிசேன தீர்மானித்தார். 

அதே சமயம் ஜனாதிபதி மைத்திரிபால சிறிசேன மத்திய வங்கியின் பிணைமுறி ஒப்பந்தத்தைக் கைப்பற்றி நல்லாட்சி அரசாங்கத்தை, பிரதமர் ரணில் விக்கிரமசிங்க, ரவி கருணாநாயக்க, அர்ஜுன் மகேந்திரன் ஆகியோரை வெளியேற்றி, இறுதியாக தனது கைப்பாவை ஆளுநரான கலாநிதி இந்திரஜித் குமாரசுவாமியை மத்திய வங்கியின் ஆளுநராக நியமித்தார்.

இவர் 2015ஆம் ஆண்டு முதல் 2016ஆம் ஆண்டு வரை மத்திய வங்கியின் ஆளுநராக இருந்ததாகவும், அதன் போது ஜனாதிபதி மைத்திரிபால சிறிசேன, கலாநிதி இந்திரஜித் குமாரசுவாமி ஊடாக வெளிநாட்டு நாணயங்களை விடுவிக்க கோரியிருந்தமையும் தெரியவந்துள்ளது.

முன்னாள் நிதி அமைச்சரும், கொழும்பு மாவட்ட ஐக்கிய தேசியக் கட்சியின் தலைவருமான ரவி கருணாநாயக்க, கொழும்பில் இடம்பெற்ற விசேட ஊடகவியலாளர் சந்திப்பில், முன்னாள் ஜனாதிபதி மைத்திரிபால சிறிசேனவுக்கு, சம்பவம் தொடர்பில் ஆதாரங்களுடன் சவால் விடுத்திருந்த போதிலும், சம்பவம் தொடர்பான விபரங்களை தற்போதைக்கு வெளியிட முடியாது எனவும், முடிந்தால், இந்த விடயம் தொடர்பில் விவாதத்திற்கு வருமாறு மைத்திரிபால சிறிசேனவுக்கு சவால் விடுக்கப்பட்டுள்ளது.

 


 

Advertiesment