එක්සත් රාජධානියේ සිට හොං කොං වෙත පැමිණීම තහනම්

(හේමන්ත තුසිත කුමාර)

COVID වයිරසයේ නව ප්‍රභේදයන් පැතිරීම මැඩපැවැත්වීම සඳහා බ්‍රහස්පතින්දා(2021-07-01 ) සිට එක්සත් රාජධානියේ සිට පැමිණෙන සියලුම මගී ගුවන් ගමන් තහනම් කරන බව හොංකොං රජය පවසයි.මෙලෙස එක්සත් රාජධානියේ පැය දෙකකට වඩා වැඩි කාලයක් රැඳී සිටින පුද්ගලයින්ට හොංකොං වෙත මගී ගුවන් ගමන් වල යෙදීම සීමා කරනු ලැබේ.

සඳුදා(2021-06-28) නිකුත් කළ නිවේදනයක දැක්වෙන්නේ,එක්සත් රාජධානියේ මෑතදී ඇති වූ වසංගත තත්ත්වය සහ එහි පැතිරී ඇති ඩෙල්ටා ප්‍රභේද හේතුවෙන් එක්සත් රාජධානිය අතිශයින්ම ඉහළ අවදානමක් ඇති රටක් ලෙස වර්ගීකරණය කර ඇති බවයි.

එක්සත් රාජධානියේ COVID-19 රෝගීන්ගෙන් 95% කට වඩා ඩෙල්ටා ප්‍රභේදයට අයත් වන අතර එය ඉන්දියාවේදී  ප්‍රථම වරට හඳුනා ගන්නා ලදී. බ්‍රිතාන්‍ය බලධාරීන් විසින් වෛරස් පැතිරීමට අදාළ සීමා ලිහිල් කර ඇති අතර, අවන්හල් , සිනමා ශාලා සහ ව්‍යායාම් මධ්‍යස්ථාන ඇතුළු ව්‍යාපාර නැවත විවෘත කිරීමට ඉඩ ලබා දී ඇති හෙයින් මෑත සතිවල ආසාදිතයින් මට්ටම ඉහළ ගොස් තිබේ.

විද්‍යාඥයින් පවසන්නේ එක්සත් ජනපදයේ ඩෙල්ටා ප්‍රභේදය කොරෝනා වයිරසයේ පෙර අනුවාදයන්ට වඩා පැතිරීම වැඩි නමුත් එය වඩා මාරාන්තිකද යන්න අවිනිශ්චිත බවයි.

පසුගිය දෙසැම්බරයේදී පනවා තිබූ තහනමකට පසු හොංකොං රජය එක්සත් රාජධානියෙන් පැමිණෙනගුවන් ගමන් තහනම් කළ දෙවන අවස්ථාව මෙයයි.මීට පෙර හොංකොං හි ලීස්ටර් විශ්ව විද්‍යාලයේ සේවය කළ වෛද්‍ය ජූලියන් ටැන්ග් පැවසුවේ මෙම තහනම විද්‍යාත්මක දෘෂ්ටි කෝණයකින් ඉතාම අර්ථවත් වන බවයි.

පසුගිය සතියේ ලෝක සෞඛ්‍ය සංවිධානය, නව ඩෙල්ටා ප්‍රභේදය අද දක්වා හඳුනාගෙන ඇති වඩාත්ම සම්ප්‍රේෂණය විය හැකි ප්‍රභේදය බවත්  එය අවම වශයෙන් රටවල් 85 ක ව්‍යාප්ත වෙමින් පවතින බවත් පැවසීය.