මොණරාගල කසාවතින් බැබලෙයි

භික්ෂු උපදේශන සභාව හමුවේ සජිත් IMF ගිවිසුම ගැන කතා කරයි

නොහැකියාව, අදක්ෂකම නිසා රටට අවාසිදායක ගිවිසුම්වලට අත්සන් කළ නායකයන් රටට ගෝනි බිල්ලන් මවන බවත් මේ යන විදිහ ක්‍රියාත්මක නොවුවහොත් රට අනතුරේ නැවත පෝලිම් යුගයක් ඇති වන බව පවසන බවත් මේ පොලිම් යුගය නැති වුනේ ආර්ථික සංකෝචනය නිසා බවත් ආර්ථික වර්ධනය හිතාමතාම පළුදු කළ  බවත් මෙවැනි තත්ත්වයක් තුළ ආර්ථිකය බිද දමා ජනතාව අසහනයට පීඩනයට ලක් කිරීම හරහා පෝලිම් නැති කළ බවත් විපක්ෂ නායක සජිත් ප්‍රේමදාස මහතා පැවසීය. 

පොලිම් නැති කළ යුත්තේ හොද ජන ජීවිතයක් ලබා දීම හරහා බවත් GAT, WTO, වැනි ක්‍රමවේද හා මූල්‍ය ආයතන සමග කටයුතු කළ යුතු බවත් ඒ ආයතන එක්ක දුර්වල ගිවිසුම් නොගැසිය යුතු බවත් සිදු කරන ප්‍රතිසංස්කරණ හරහා ජනතාව මත පටවන පීඩනය අසහනය දුක කදුල වෙදනාව අවම කළ යුතු බවත් රටේ පැත්තෙන් ජනතාවගේ පැත්තෙන් ගිවිසුම් ගත විය යුත්තේ එසේ බවත් විපක්ෂ නායකසජිත් ප්‍රේමදාස මහතා වැඩිදුරටත් පැවසීය.

තමා IMF ප්‍රධානීන් හමු වූ අවස්ථාවේ මේ ගැන පැවසූ බවත් මේ අවිධිමත් ගිවිසුම නිසා ජන ජීවිත විනාශ වී ජනතාව අතේ මුදල් නොමැති බවත් ආයෝජනය පා⁣රිභෝජනය අපනයනය නැති වී ඇති බවත් රජයට මේවා කරන්න බැරි වුවත් සමගි ජන බලවේගය සතුව සුහුරු කණ්ඩායමක් සිටින බවත් මේ දක්ෂ සුහුරු කණ්ඩායම සමග එක්ව රට දිනවන ගිවිසුමකට යන බවත් විපක්ෂ නායකවරයා පැවසීය.

විපක්ෂ නායක සජිත් ප්‍රේමදාස මහතා මේ බව කියා සිටියේ මොනරාගල පැවැති භික්ෂු උපදේශක සභාව අමතමිනි.

දශ ලක්ෂ ගණනින් අප රටේ ජනතාව දුප්පත් වි ණය මර උගුලකට හසුව දැවැන්ත ආර්ථික අවපාතයකට ලක්ව ඇති බවත් ජාත්‍යන්තර ආයතන පවා මේ ගැන වාර්තාවක හරහා බහුමාන දුගී භාවය ගැන සදහන් කර ඇති බවත් ළදරුවන්, මව්වරුවන්, වැඩිහිටියන්, අවදානම් කොට්ඨාස, තරුණයන් හා ව්‍යවසායකයන්, ව්‍යාපාරිකයන්, කර්මාන්තකරුවන් පවා මේ නිසා විපතට පත්ව ඇති බවත් විපක්ෂ නායකවරයා පැවසීය.

සාමාන්‍ය ජනතාව මෙවැනි ව්‍යවසනයකට හසු වුවත් සුපිරි ධනවතුන් මින් බේරී ඇති බවත් මේ රටේ සුපිරි ධනවතුන්ට අතිමහත් බහුතරයකගේ අවාසනාවන්ත තත්ත්වය මගහැර යාමට දායකත්වය ලබා දිය යුතු බවත් විපක්ෂ නායකවරයා පැවසීය.

ධනවාදී ක්‍රමය තුළ සුපිරි පැලැන්තයක් නිර්මාණය වී ඇති බවත් මේ ධනවාදය ලුම්පන් ධනවාදය ගජමිතුරු ධනවාදය නොවිය යුතු බවත් එය මානුෂීය ධනවාදයත් සමාජ ප්‍රජාතන්ත්‍රවාදී ප්‍රතිපත්ති මුසු වූ සියලු දෙනාම ඇතුලත් වූ ආර්ථික වර්ධනය ඇති කළ යුතු බවත් විපක්ෂ නායක සජිත් ප්‍රේමදාස මහතා පැවසීය.

එසේම වරමක් නැති මේ රජය කරන්නේ ගජමිතුරු කණ්ඩායම් පෝෂණය කිරීම බවත් දේශීය ණය ප්‍රතිව්‍යුහගතකරනය තුළින් බව සුපිරි පොහොසතුන් ආරක්ෂා කළ බවත් සමගි ජන බලවේගය ජන වරමක් සමග නව ගිවිසුමකට යන බවත් විපක්ෂ නායකවරයාකියා සිටියේය.