අනුර මහා නා හිමිවරුන් බැහැදැකීමට ගොස් තිබෙන්නේ මලික් එක්ක

ජාතික ජන බලවේගයේ නායක අනුර කුමාර දිසානායක මහතා මීට දින ගණනාවකට ඉහත දී මහනුවරට ගොස් මල්වතු-අස්ගිරි මහා නා හිමිවරුන් බැහැදැක තිබෙන්නේ ජනාධිපති රනිල් වික්‍රමසිංහ මහතාගේ අතිශය සමීපතම මිත්‍රයෙකු වන එක්සත් ජාතික පක්ෂයේ හිටපු සභාපති මලික් සමරවික්‍රම මහතා සමග යැයි "lankanewsweek" වෙත ඉතා විශ්වාස කටයුතු ආරංචි මාර්ගවලින් කරුණු වාර්තා වේ.

මේ සම්බන්ධයෙන් "lankanewsweek" කරුණු තහවුරු කර ගත් පාර්ශව කියා සිටියේ, අනුර කුමාර දිසානායක මහතා මල්වතු-අස්ගිරි මහා නා හිමිවරුන් බැහැදැකීමට ගියේ මලික් සමරවික්‍රම මහතා සමග නොවන්නේ නම් ඔවුන්ට ඒ සම්බන්ධයෙන් ප්‍රකාශයක් කළ හැකි බවය.

කෙසේ වෙතත් අනුර කුමාර දිසානායක සහ මලික් සමරවික්‍රම යන මහත්වරුන් අතර ඉතා දීර්ඝ කාලයක සිට මිත්‍රත්වයක් සහ සම්බන්ධයක් පවතින අතර යහ පාලන ආණ්ඩු සමයේ දී ඔවුන් දෙදෙනා බොහෝ විට පාර්ලිමේන්තුවේ දී සිය දිවා ආහාරය ද ගත්තේ එකටමය.