Wednesday 23rd of September 2020

English Tamil
Advertiesment


වහල් භාවයෙන් ගැල වෙමු - Bob Marley අනුව යමු


2020-05-28 1822

"Buffalo Soldier" ගීතයේ සිංහල අරුත මෙන්න  

 

ඔබව නිදහස් කර ගත හැක්කේ ඔබටම පමණි 

 

Bob Marley කියා දුන් පාඩම ඔබ තේරුම් ගත්දතා..?

 

(රසල් සී.පී බණ්ඩාරවත්ත)

 

අප්‍රිකාවෙන් සොරකම් කොට
ඇමරිකාවට ගෙනා
මී හරක්‌ සොල්දාදුවා
ආ දා සිට සටනේ
මරන්නට නොව නොමැරී ඉන්නට..!

දනී නම් අයෙකු තම ඉතිහාසය
දැන සිටියි ඔහු තමන් පැමිණියේ කොහෙන් ද කියා
එවැන්නෙක්‌ කිසි දිනක නොකියයි
මා දන්නේ නෑ මා කවුද යැයි
ඒ වෙනුවට ඔහු කියයි මෙසේ..!

මං ඇමරිකාවේ සිටින
නිකම්ම මී හරක්‌ සොල්දාදුවෙක්‌
අප්‍රිකාවෙන් හොරකම් කර ගෙන
ඇමරිකාවට අරං ආ
මී හරක්‌ සොල්දාදුවෙක්‌
මං සටන් කරන්නේ මරන්නට නොව
නොමැරී ඉන්නටයි
මගේ රටවත් ජාතියවත් වෙනුවෙන්වත් නොව
සුද්දන්ට ජය ලබා දෙන්නයි
මං මී හරක්‌ සොල්දාදුවෙක්..!‌

Buffalo Soldier, dreadlock Rasta
There was a Buffalo Soldier
In the heart of America
Stolen from Africa, brought to America
Fighting on arrival, fighting for survival
I mean it, when I analyze these things
To me, it makes a lot of sense
How the dreadlock Rasta was the Buffalo Soldier
And he was taken from Africa, brought to America
Fighting on arrival, fighting for survival
Said he was a Buffalo Soldier, dreadlock Rasta
Buffalo Soldier, in the heart of America
If you know your history
Then you would know where you coming from
Then you wouldn't have to ask me
Who the heck do I think I am
I'm just a Buffalo Soldier
In the heart of America
Stolen from Africa, brought to America
Said he was fighting on arrival
Fighting for survival
Said he was a Buffalo Soldier
Win..!

මේ "බෆලෝ සෝල්ජර්" නම් සුප්‍රසිද්ධ ගීතයේ අර්ථයයි. ඇමරිකාවේ ස්‌වදේශිකයන්ට එරෙහිව සටන් කිරීම සඳහා අප්‍රිකාවේ සිට සුද්දන් විසින් ඇමරිකාවට පැහැර ගෙන විත් සාදන ලද "බෆලෝ සෝල්ඡ්ර්ස්"‌ නමින් හඳුන්වන ලද සේනාංකයේ සෙබළුන් පිළිබඳව ගැයෙන මේ ගීතය අසා නැති කෙනෙක්‌ ලොව නැති තරම්ය. 

මේ ගීතයේ ගැබ් වන්නේ බටහිර සංගීතයේ රිද්මය නොවේ. වර්ෂ දහස්‌ ගණනක්‌ පුරා ඉමක්‌ කොනක්‌ නැති වන පෙතේ නිදැල්ලේ සැරිසැරූ අප්‍රිකානු ආත්මයේ රිද්මයයි. ගහ කොළ සතා සීපාවා සමග දුක සතුට බෙදා ගත් කළු අප්‍රිකානු රිද්මයයි. එපමණක්‌ නොව එහි ගැබ්වන්නේ සුද්දන්ගේ කුරිරු උවමනාවන්හි ගොදුරක්‌ වූ අහිංසක අප්‍රිකානු අධ්‍යාත්මයන් වෙතින් නැඟෙන විලාපයයි. සුද්දන්ගේ කෲර සංස්‌කෘතියට එරෙහිව ජීවිතයට ආදරය කරන අප්‍රිකානු සංස්‌කෘතියේ විරෝධයයි.

වර්ෂ පන්සීයක්‌ පමණ පුරා සුද්දන් විසින් මවා පාන ලද ව්‍යාජ ශිෂ්ටාචාරය එකම ගීතයකින් දෙපලු කළ ඔහු බොබ් මාලේය. ෂේක්‌ස්‌පීරියානු සම්භාව්‍ය සලු පිළිවලින් වසං කරන ලද, හාඩ් එලියට්‌ ගතේ සාත්‍රේ සම්භාව්‍ය පුස්‌තකවලින් මුවා කරන ලද ගොරහැඬි සුදු ආත්මයේ නිරුවත එකම ගීතයක්‌ මගින් හෙළිදරව් කළ ඔහු බොබ් මාලේය. මෙම ගීතය රචනා කරන ලද්දේ බොබ් මාර්ලේ විසිනි. ඔහුගේ දේශපාලන දැක්ම මෙම ගීතයෙන් මොනවට පැහැදිළි විය.

අපේ රටේ බටහිර සංස්කෘතිය පසු පස යන ඇතැම් තරුණයින් බොබ් මාලේගෙන් ගෙන ඇත්තේ ඔහු සුද්දන්ගේ මිලේච්ඡ ශිෂ්ටාචාරයට විරුද්ධව ගෙන ගිය මතවාදය හෝ ඊට එරෙහිව කළ අරගලය නොව, ගංජා සුරුට්‌ටුව තොප්පිය සහ දිගු කොණ්ඩය පමණකි. බොබ් මාලේගේ ගීත අසන ගයන අය විසින් ම බොබ් මාලේ පාවා දී ඇත්තේ එසේය. බොබ් මාලේගේ සුදු අධිරාජ්‍ය විරෝධී අරගලය ශ්‍රී ලංකාවේ දී බටහිර ගැති සංස්‌කෘතියේ කොටසක්‌ බවට පත්ව ඇත්තේ එසේය. එබැවින් ඔහු ගැන නිවැරදි තක්සේරුවකට පැමිණෙන්න..! ලෝකයේ ජනතාවාදී කලාකරුවන් අතරින් බොබ් මාලේ ට හිමි වන්නේ අද්විතීය තැනකි. ඔහු තරම් අව්‍යාජ කලාකරුවෙක් මා මෙතෙක් දැක නැත. බොබ් මාලේ ස්‌වකීය එක්‌ ගීතයක මෙසේ කියයි..!

"ඔබේ මානසික වහල් භාවයෙන් අත් මිදෙන්න කාලය ඇවිත්-අපේ සිත් නිදහස්‌ කර ගැනීමට අපටම හැර වෙන කිසිවෙකුට නොහැක" බොබ් මාලේ අපට කියන්නේ කුමක්දැයි ඔබ නිවැරදි නිගමනයට එන්න..! බොබ් මාලේගේ තවත් ගීතයක කොටසකින් මේ සටහන අවසන් කරමි.

වෙඩි උණ්‌ඩයකට නතර කළ නොහැක අප
අපි බෑගෑ පත් නොවෙ හිස පාත් නොකරමු
අපව මිලට ගැනීමටවත් විකිණීමටවත් නොහැක
ඔබේ ජීවිතය රත්තරන්වලට වඩා වටිනාකමින් බොහෝ ඉහළය..!

Advertiesment