Tuesday 26th of January 2021

English Tamil
Advertiesment


පාර්ලිමේන්තුව කැඳ විය යුතු බව කතානායකත් අවධාරණය කරයි


2020-04-30 6486

විපක්ෂයේ යෝජනාවට සහය පළ කරයි 

පාර්ලිමේන්තුවේ සාධනීය මෙහෙවර ගැන සහතිකයක්  

 

(සුජිත් මංගල ද සිල්වා)   

 

රටේ උද්ගත වී ඇති තත්ත්වය හමුවේ පාර්ලිමේන්තුව යළි කැඳ වන ලෙසට විපක්ෂය ජනාධිපති ගෝඨාභය රාජපක්ෂ මහතාගෙන් කර ඇති සාමූහික ඉල්ලීම කාලෝචිත සහ යහ චේතනාන්විත බව හිටපු කතානායක දේශබන්දු කරු ජයසූරිය මහතා "Twitter" පණිවුඩයක් නිකුත් කරමින් කියා සිටියි.

විසුරුවා හැර තිබෙන පාර්ලිමේන්තුවේ කතානායකවරයා ලෙස තමා එම යෝජනාව අනුමත කරන බව පෙන්වා දෙන කරු ජයසූරිය මහතා එම ඉල්ලීම පරිදි පාර්ලිමේන්තුව යළි කඳ වුවහොත් ඉතා සාධනීය කාර්යභාරයක් ඉටු වනු ඇතැයි විශ්වාසය පළ කර සිටියි.

රටේ උද්ගත වී තිබෙන බරපතළ තත්ත්වය හමුවේ පාර්ලිමේන්තුවෙන් ඉටු වන සාධනීය මෙහෙවර සහ කාර්යභාරය තහවුරු කිරීම එහි කතානායකවරයා වශයෙන් සිය වගකීම, යුතුකම සහ භූමිකාව වන්නේ යැයි ද කරු ජයසූරිය මහතා එම  "Twitter" පණිවුඩය මගින් වැඩි දුරටත් අවධාරණය කර සිටියි.      

Advertiesment