Tuesday 12th of November 2019

English Tamil
Advertiesment


ගෝඨා අවොත් ජාතික ආරක්ෂාව අනතුරට යන හැටි රවී පැහැදිළි කරයි


2019-10-24 1732

ආරක්ෂා කළ යුත්තේ රට රකින ප්‍රජාතන්ත්‍රවාදය ද,නැති නම් පරපුර රකින පවුල් වාදයද ..?

 

අලියාට නැගිටින්න ටික වේලාවක් යනවා-හැබැයි නැගිට්ටට පස්සේ හොල්ලන්න බැහැ

 

රට විකුණන් කෑම ක්‍රියාවෙන්ම ඔප්පු කළේ ඒකාධිපති රාජපක්ෂ රෙජිමයයි

 

මොණරාගලින් අක්කර 4,000ක් විදේශිකයින්ට දුන්නා

 

යුධ හමුදා මුලස්ථානය Shangri-la හෝටලයට වික්කා

 

(සුජිත් මංගල ද සිල්වා)

ජාතික ආරක්ෂාව අනතුරට ලක් වන්නේ ප්‍රජාතන්තවාදී කඳවුරේ සජිත් ප්‍රේමදාස ජනාධිපති වුණොත් නොව ත්‍රස්ත්‍රවාදීන් පිරිවරා ගෙන සිටින පවුල් වාදී ඒකාධිපති රෙජීමයේ ගෝඨාභය රාජපක්ෂ ජනාධිපති වුණොත් යැයි එක්සත් ජාතික පක්ෂයේ උප නායක,විදුලි බල, බල ශක්ති සහ ව්‍යාපාර සංවර්ධන අමාත්‍ය රවී කරුණානායක මහතා අවධාරණය කර සිටියි.

ඔහු මේ බව පැවසුවේ එක්සත් ජාතික පෙරමුණේ ජනාධිපති අපේක්ෂක සජිත් ප්‍රේමදාස මහතාගේ ජය තහවුරු කිරීම සඳහා කොළඹ,මාලඹේ පැවති ජන රැළියකදීය. එහිදී වැඩි දුරටත් අදහස් දැක්වූ රවී කරුණානායක මහතා මෙසේද කීය.

"මම අහනවා දළදා මාළිගාවට බෝම්බ ප්‍රහාරයක් එල්ල කරපු කරුණා අම්මාන් අද කා එක්කද ඉන්නේ කියලා. ප්‍රතිවිරුද්ධ කණ්ඩායම එක්ක නොවෙයිද?ජෝශප් පරපරාජසිංහම් මන්ත්‍රීව මැරුව පිල්ලෙයාන් ඉන්නේ කොහෙද? ඊළම ප්‍රකාශ කරපු වර්ධරාජා පෙරුමාල් ඉන්නේ කොහෙද? මොවුන් ඉන්නේ අපිත් එක්කද? නෑ. ඔවුන් එක්ක නේද? කේ.පී. ඉන්නේ කොහෙද? විශ්ව විද්‍යාල හදන්න සල්ලි ගෙනාව හිස්බුල්ලා ඉන්නේ කොහෙද? එහෙම නම් කොහෙමද මේ අපි ආවොත් ජාතික ආරක්ෂාව නැති වෙනවා කියන්නේ. මේ රට ගැන ඒ ගෝලලන්ට තිබෙන කැක්කුම අපිටත් තිබෙනවා. දැන් තිබෙන ප්‍රශ්නය තමයි මේ රටේ ප්‍රජාතන්ත්‍රවාදය ආරක්ෂා කරනවාද, පවුල් වාදය ආරක්ෂා කරනවාද කියන එක. අපි කැමතියි පිරිසිදු දේශපාලනයක් ගෙනියන්න. නිකරුණේ බොරු ප්‍රචාර පතුර වන්න එපා. කියන්න තියෙන දේ මුණටම කියන්න. එතකොට අපි නිසි පිළිතුරු ලබා දෙන්නම්. අපේ ප්‍රතිවිරුධ කණ්ඩායම එදා ප්‍රවෘත්ති සාකච්ඡාවකදි පිළි ගත්තනේ යුද්ධය කළේ ඔවුන් නෙමෙයි කියලා. එහෙනම් ත්‍රස්තවාදය ජයග්‍රහණය කළේ සරත් ෆොන්සේකා කියලා ඒකෙන්ම ඔප්පු වෙනවානේ. හැමදේම බොරුවක් තුළින් දාලා, පටලවලා, ජනතාව මුලා කරලා තමයි ඔවුන් බලය ගන්න හදන්නේ. 2015 ට කළින් මේ රටේ සංවර්ධනය තිබුණේ එක් තැනකට සීමා වෙලා, එක් අයෙකුගේ නමින්. අපි ඒ ක්‍රමය සම්පූර්ණයෙන් වෙනස් කළා.

අපට හැකි වුණා සංවර්ධනය සමස්ත දිවයිනටම ලබාදෙන්න. අපි වැඩ කළා මිසක් සද්ද කළේ නැහැ. අපට අවශ්‍ය වන්නේ රට යම් ඉලක්කයක් කරා ගමන් කරවන්න. ඒකිය භාවයක් තුළින් බලය විමධ්‍යගත කරලා රට සංවර්ධනය කරන්න මෙහෙයවන්න තමයි අපට අවශ්‍ය වන්නේ. මීට පෙර නොවූ ආකාරයේ ජයග්‍රහණයක් අපි ලබාගත යුතුයි. අපි අපේ තරුණ තරුණියන්ගෙන් ඉල්ලා සිටින්නේ තවත් එක් වතාවක් අපි කෙරෙහි විශ්වාසය තබන්න. අපට රට බේරන්න අවශ්‍යයි. ප්‍රජාතන්ත්‍රවාදය ආරක්ෂා කරන්න අවශ්‍යයි. තරුණ තරුණියන්ට රැකියා අවස්ථා ලබාදෙන්න අවශ්‍යයි. අලියෝ කියන්නේ එසේ මෙසේ අය නෙමෙයි. නැගිටින්න ටිකක් වෙලා යනවා. නමුත් නැගිට්ටට පස්සේ හොල්ලන්න බැහැ.

මේ ජනාධිපතිවරණයට අපේක්ෂකයෝ 35 ක් ඉදිරිපත් වෙලා සිටිනවා. මේ අතරින් දෙදෙනෙක් අතරේ තමයි සැබෑ තරගයක් තිබෙන්නේ. තව දෙන්නෙක් මේ ඡන්ද ටික කඩන්න හදනවා. ඒ නිසා මේ ලක්ෂ 160 ක ඡන්ද ප්‍රමාණය තුළින් 58% ක් ගන්න මහන්සියෙන් වැඩ කරන්න ඕන . ගියවර අපි කොළඹ දිස්ත්‍රික්කය ජයග්‍රහණය කළේ ඡන්ද 175,000 කින්. මෙවර අපි ඡන්දය 250,000 කින් දින්න ඕන. අපි නිදහසින් පසු වසර 72 ක් මේ වන විට ගමන් කළා. මේ කාලසීමාව තුළ නොයෙක් ආණ්ඩු මේ රට පාලනය කළා. ඒ ඒ කාලවලදී රට ඉදිරියට ගෙන ගියා වගේම රට ආපස්සටත් ඇදලා තිබෙනවා. නමුත් සීග්‍ර සංවර්ධනයක් ලබන්න තවමත් නොහැකි වෙලා තිබෙනවා. 2015 අපි ලබාගත් ජයග්‍රහණය තුළින් සිදු කළ වැදගත්ම දේ තමයි මිය යමින් තිබූ ප්‍රජාතන්ත්‍රවාදය නැවත ස්ථාපිත කිරීම.

අපට මතකයි මහින්ද රාජපක්ෂ පාලන සමය. වසර 11 ක් තිස්සේ අහිංසක රාජ්‍ය සේවකයන්ට වැටුප් වැඩි කරනවා කිව්වා. වසරින් වසර 500 ක් 1000ක් එකතු කළා මිසක් වෙන දෙයක් කළේ නැහැ. අපි 2015 බලයට පැමිණි විගසම කිව්වා රජයේ සේවකයන්ට වැටුප් වැඩිවීම ලබාදෙනවා කියලා. අපි බලයට පත්වෙලා දින 35 කින්, රු. 10,000ක් ලබා දුන්නා. වසර 11 කින් කරන්න බැරි වුණ දේ අපි මාසෙකින් කළා.

ඒ වගේම ඔවුන් පොලිස් නිලධාරීන්ටත් වැටුප් වැඩි කරනවා කිව්වාට කළේ නැහැ. නමුත් අපි පැමිණි විගස 40% කින් වැටුප් වැඩි කළා. මෙන්න මේ වගේ තමයි ත්‍රිවිධ හමුදාව. ඒ රණවිරුවන්ට දෙන්න තිබුණ ප්‍රතිලාභ දුන්නේ නැහැ.ඔවුන්ට හිමි වෙන්න තිබුණ දේවල් සහ 40% ක වැටුප් වැඩිවීම ලබා දුන්නේ අපේ ආණ්ඩුවෙන් කියලා මම ඉතාමත් සතුටින් කියන්න කැමතියි.

අද වෙද්දි පාරිභෝගික භාණ්ඩ මිල සෑහෙන දුරකට අඩු වෙලා තිබෙනවා. මම කියන්නේ නැහැ ජීවන වියදම ලේසි වෙලා කියලා. නමුත් එදා එක්ක සංසන්දනය කරද්දි භාණ්ඩ මිල අඩු වෙලා තිබෙනවා. පෙට්‍රල්, ගෑස් මිල අඩු කළා . මෙන්න මේකයි වෙනස. වසර 5 කට පෙරත් ඔවුන් කිව්වා ඉන්ධන මිල අඩු කරන්න බැහැ කියලා. ඒ වගේම තමයි ඩීසල්, භූමිතෙල් මේ ආකාරයෙන් අඩු කරලා තිබෙනවා.

මේක දැකලා ගෝඨාභය රාජපක්ෂ කියනවා 50% කින් වැට් අඩු කරනවා කියලා. ඒ කියනනේ කෝටි 45 ක්. අපි අහනවා කොහොමද එහෙම කරන්නේ කියලා. කියන දේ පිළි ගන්න පුළුවන් විදියට කියන්න ඕන. රජයේ සේවයේ වැටුප්, විශ්‍රාම වැටුප් සහ ඔවුන් ගත් ණය ගෙව්වම කොහොමද තවත් කෝටි 45 ක් අඩු කරන්නේ. කොහෙන්ද ඒවට මුදල් සොයන්නේ. දැන් ඔවුන් කරන්න බැරි දේවල් කියලා ජනතාවට සිහින ලෝකයක් මවන්න හදනවා. ඔවුන් කවදාවත් ආර්ථිකය ශක්තිමත් කළේ නැහැ. තිබුණ එකත් නැති කරපු එක විතරයි කළේ.

රටේ ආරක්ෂාව ගැන ඔවුන් කතා කරනවා. මේකට හොදටම පිළි තුරු දෙන්න පුළුවන් සරත් ෆොන්සේකා මහතාට. ඔවුන්ගේ ආණ්ඩුවේ ඉන්න කොට දේශප්‍රේමි‍යෙක්. ඔවුන්ගේ ආණ්ඩුවෙන් පිට ගියාම දේශද්‍රෝහියෙක්. 2015 දි ඔවුන් කිව්වා අපට රට දුන්නොත් රට බෙදනවාලු. ඉඩම් අයිතිය අනුන්ට දෙනවාලු.

දැන් අපි වසර 05 ක් රට පාලනය කළා. මේ එක දෙයක්වත් සිදු වුණාද. මේ සිංහල බෞද්ධ රටක්. මේක කාටවත් වෙනස් කරන්න බැහැ. අපි සමග සුළු ජාතිකයෝ සහයෝගෙන් හිටියා කියලා ඒ දේවල් වෙනස් වුණාද. නැහැ. තවත් ඒකීයභාවය තහවුරු වුණා. අපි රට විකුණයි කිව්වට, අපි එන්න කලින් මොණරාගලින් අක්කර 4000ක් විදේශිකයින්ට දුන්නා. ශැන්ග්‍රිලා එක වික්කා. ඔවුන් තමයි ඒ දේවල් ක්‍රියාවෙන් ඔප්පු කරලා පෙන්නුවේ"

 

 

Advertiesment