Sunday 22nd of September 2019

English Tamil


කතෝලික රවීට එරෙහිව බෞද්ධ සජිත් බුද්ධ පුත්‍රයකුගෙන් පළි ගනියි..!


2019-06-29 7371

එජාප නියෝජ්‍ය නායකයා මහා සංඝ රත්නයේ උදහසට ලක් වෙයි..!

කූරගල පුදබිම අඳුර ගිල ගනියි..! 

 

 

(සුජිත් මංගල ද සිල්වා)

මහා සඟ රත්නයේ ඉල්ලීම පරිදි රත්නපුර දිස්ත්‍රික්කයේ බලන්ගොඩ, කුරගල පුරා විද්‍යා පරිශ්‍රයට සහ චෛත්‍ය පිවිසුම් මාර්ගයට විදුලිය ලබා දීමට විදුලි බල අමාත්‍ය රවී කරුණානායක මහතා ගත් පියවර වහාම ක්‍රියාත්මක වන පරිදි අත් හිටුවීමට පුරා විද්‍යා දෙපාර්තමේන්තුව ක්‍රියා කර තිබේ.

පුරා විද්‍යා දෙපාර්තමේන්තුව මේ පියවර ගෙන තිබෙන්නේ සංස්කෘතික කටයුතු අමාත්‍ය සජිත් ප්‍රේමදාස මහතා දුන් නියෝගයට අනුවය. සජිත් ප්‍රේමදාස මහතා මෙසේ ක්‍රියාකර තිබෙන්නේ ඔහුත් රවී කරුණානායක මහතාත් අතර තිබෙන ගැටලුකාරී තත්ත්වය මතය.

මේ සිද්ධිය සම්බන්ධයෙන් විදුලි බල, බල ශක්ති සහ ව්‍යාපාර සංවර්ධන අමාත්‍යාංශය නිකුත් කර තිබෙන නිවේදනය මෙසේය.

මහා සඟ රත්නයේ ඉල්ලීම පරිදි රත්නපුර දිස්ත්‍රික්කයේ බලන්ගොඩ, කුරගල පුරා විද්‍යා පරිශ්‍රයට සහ චෛත්‍ය පිවිසුම් මාර්ගයට විදුලිය ලබා දීමට විදුලි බල අමාත්‍ය රවී කරුණානායක මහතා ගත් පියවර වහාම ක්‍රියාත්මක වන පරිදි අත් හිටුවීමට පුරා විද්‍යා දෙපාර්තමේන්තුව ක්‍රියා කර තිබේ. පුරා විද්‍යා දෙපාර්තමේන්තුව මේ පියවර ගෙන තිබෙන්නේ සංස්කෘතික කටයුතු අමාත්‍ය සජිත් ප්‍රේමදාස මහතා දුන් නියෝගයට අනුවය. සජිත් ප්‍රේමදාස මහතා මෙසේ ක්‍රියාකර තිබෙන්නේ ඔහුත් රවී කරුණානායක මහතාත් අතර තිබෙන ගැටලුකාරී තත්ත්වය මතය. මේ සිද්ධිය සම්බන්ධයෙන් විදුලි බල, බල ශක්ති සහ ව්‍යාපාර සංවර්ධන අමාත්‍යාංශය නිකුත් කර තිබෙන නිවේදනය මෙසේය.

මෙතෙක් කලක් විදුලිය පහසුකම් නොතිබූ, බලංගොඩ කූරගල පුරාවිද්‍යා පරිශ්‍රයට හා චෛත්‍යය පිවිසුම් මාර්ගයට විදුලිය ලබාදීමට ලංකා විදුලිබල මණ්ඩලය විසින් ගෙනතිබූ පියවර, මේ වනවිට පුරාවිද්‍යා දෙපාර්තමේන්තුවේ මැදිහත්වීමෙන් තවකාලිකව අත්හිටුවා තිබේ. පුරාවිද්‍යා දෙපාර්තමේන්තුව සතු මෙම ස්ථානයන්ට විදුලි ආලෝකය ලබාදෙන ලෙස කරතිබූ ඉල්ලීමකට අනුව කොන්දේසි කිහිපයක් යටතේ ඒ සදහා පුරාවිද්‍යා දෙපාර්තමේන්තුවේ අවසරය හිමිවී තිබිණි.

ඒ බව දන්වා පුරාවිද්‍යා දෙපාර්තමේන්තුවේ ප්‍රාදේශීය සහකාර අධ්‍යක්ෂ (රත්නපුර) විසින් 2019.06.26 දිනැති ලිපිය මගින් කහවත්ත ප්‍රාදේශීය විදුලි ඉංජිනේරු වෙත ලිපියක් යොමුකර තිබේ. ඒ අනුව ක්‍රියාත්මක වූ කහවත්ත ප්‍රාදේශීය විදුලි ඉංජිනේරු කාර්යාලය විසින් විෂයභාර අමාත්‍යවරයාගේ ‍උපදෙස් පරිදි ඊයේ (27) පෙරවරුවේ විදුලිය ලබාදීමේ කටයුතු වෙනුවෙන් එම ස්ථානයට ගියද, අදාළ කටයුත්ත සිදුකිරීමට නොහැකිවී තිබේ. ඊට හේතුව වී ඇත්තේ, 2019.06.27 දිනැති ලිපියෙන් පුරාවිද්‍යා දෙපාර්තමේන්තුවේ ප්‍රාදේශීය සහකාර අධ්‍යක්ෂ (රත්නපුර) විසින් කහවත්ත ප්‍රාදේශීය විදුලි ඉංජිනේරු අමතමින්, කූරගල පුරාවිද්‍යා පරිශ්‍රය හා චෛත්‍යය ප්‍රවේශ මාර්ගයට විදුලිය ලබාදීම තාවකාලිකව අවලංගු කරන බවට දන්වා තිබීමයි. මේ පිළිබදව පුරාවිද්‍යා දෙපාර්තමේන්තුවෙන් කරුණු විමසූ විට අදාළ නිලධාරියා විසින් ඒ පිළිබදව වැඩිදුර කරුණු දැක්වීම ප්‍රතික්ෂේප කර තිබේ. අදාළ සිද්ධිය සම්බන්ධයෙන් විදුලිබල, බලශක්ති ව්‍යාපාර සංවර්ධන අමාත්‍ය රවී කරුණානායක මහතා පවසා සිටියේ, කාලාන්තරයක් තිස්සේ දැඩි අවශ්‍යතාවක්ව පැවති මෙම විදුලිය පහසුකම ලබාදෙන ලෙස තමාගෙන් ඉල්ලූ අවස්ථාවේ තමා ඒ සදහා ක්ෂණිකවම යහපත් ප්‍රතිචාර දැක්වූ බවත්, ඒ අනුව අද පෙරවරුවේ ලංකා විදුලිබල මණ්ඩලය විසින් අදාළ ස්ථානයට විදුලිය ලබාදීමට ක්‍රියාත්මකවූ නමුත්, නොදන්නා බලවේගයක් තුළින් අදාළ කටයුතු නැවැත්වීමට ක්‍රියාකර ඇති බවත්ය.

වැඩිදුරටත් අදහස් දැක්වූ අමාත්‍යවරයා, සියලුම බලධාරීන්ගෙන් ඉල්ලා සිටියේ මෙම ස්ථානයට විදුලිය ලබාදීම සදහා හැකි ඉක්මණින් අවසර ලබාදෙන ලෙසයි. පුරාවස්තු දෙපාර්තමේන්තුවෙන් මේ සදහා අවසර ලබාදී තිබූ නමුත් අද පෙරවරුවේ මෙම වැඩකටයුතු නවත්වන ලෙස එම දෙපාර්තමේන්තුවෙන්ම තම අමාත්‍යාංශය වෙත ලිඛිතව දැනුම්දී ඇතැයි පැවසූ කරුණානායක මහතා, විදුලිය ලබාදීම නවතා දමා ඇත්තේ පුරාවිද්‍යා දෙපාර්තමේන්තුවෙන් බැවින් මෙහි පූර්ණ වගකීම ඔවුන් සතු බවත් පැවසූ අතර මෙය කිසිසේත්ම දේශපාලන කටයුත්තක් නොවන බවත් අවධාරණය කළේය.

කූරගල පුරාවිද්‍යා පරිශ්‍රයට සහ චෛත්‍යය ප්‍රවේශ මාර්ගයට විදුලිය ලබාදීමට දී තිබූ අවසරය අත්හිටුවීම සම්බන්ධයෙන් කරුණු විමසීම සදහා විදුලිබල, බලශක්ති සහ ව්‍යාපාර සංවර්ධන අමාත්‍යාංශයට පැමිණි කොටුවේ පොඩි හාමුදුරුවන් සහ ඉරාජ් වීරරත්න මහතාද මෙම සිද්ධිය සම්බන්ධයෙන් අදහස් දැක්වීය.